Афғонистон ҳукуматини яқин келажакда тан олиш масаласи кун тартибида йўқ. Бу ҳақда Ўзбекистон президентнинг ташқи сиёсат масалалари бўйича махсус вакили Абдулазиз Комилов Тошкент шаҳрида бўлиб ўтган Афғонистон бўйича анжуман доирасида «Толибон» ҳаракати халқаро ҳамжамият томонидан тан олиниши эҳтимоли ҳақидаги саволга жавобида айтиб ўтди.
Абдулазиз Комиловнинг таъкидлашича, муносабатларнинг нормаллашуви кейинчалик Афғонистон ҳукуматининг тан олинишига йўл очади.
«Бугун бундай масала йўқ эди (яқин келажакда Толибон ҳукуматини тан олиш ҳақида — таҳр.). Лекин менимча, бу тенденция, биринчи навбатда, ҳукумат билан муносабатларни нормаллаштириш нуқтаи назаридан ижобий. Яъни муносабатларнинг нормаллашуви кейинчалик тан олинишга йўл очади. Бугун тан олиш билан боғлиқ кўплаб масалалар муҳокама қилинди. Афғонистон делегацияси раҳбари (Афғонистон муваққат ҳукумати ташқи ишлар вазири вазифасини важарувчи Амир Хон) Муттақий очиқчасига айтди: Мен барча саволларни, ҳатто бу ерда айтилган барча шикоятларни ҳам ёзиб олдим, буни раҳбариятим билан муҳокама қиламан. Ва, албатта, биз умумий тил топишга ҳаракат қиламиз. Бу ўзаро ишончни мустаҳкамлаш нуқтаи назаридан катта қадам бўлиб, бусиз тан олиш масаласи ҳам бўлмайди», — деди дипломат.
Аввалроқ Тошкентда «Афғонистон: хавфсизлик ва иқтисодий ривожланиш» мавзусидаги Афғонистон бўйича халқаро конференцияси бўлиб ўтаётгани хабар қилинганди.
Мавзуга доир:
Изоҳ (0)