Андижон вилояти Бўстон туманида МЧЖ раҳбари дала майдонидаги дарахтга арқон билан ўзини осиб, вафот этди. Ҳолат юзасидан вилоят прокуратураси муносабат билдирди.
Унга кўра, 23 июнь куни «Бўз Иқбол чорваси» МЧЖ раҳбари Н.С. Бўстон туманидаги «Буюк турон чорваси» фермер хўжалиги дала майдонидаги дарахтга арқон билан ўзини осиб, вафот этгани ҳолати бўйича Бўстон тумани прокуратураси томонидан терговга қадар текшириш ҳаракатлари олиб борилмоқда.
Шунингдек, фуқаро Н.С.нинг марҳум акаси раҳбарлик қилган «Бўз Иқбол чорваси» МЧЖ томонидан тумандаги мактабгача таълим ташкилотларига етказиб берилган озиқ-овқат маҳсулотларининг пуллари тўлаб берилмагани ҳақидаги мурожаати Бўстон тумани прокуратураси томонидан мутахассислар иштирокида кўриб чиқилмоқда.
Ҳар иккала ҳолат бўйича ўтказилаётган текширув вилоят прокуратураси томонидан назоратга олинган. Натижалари ҳақида қўшимча равишда маълум қилинади.
Изоҳ (0)