Биласизми, замонавий пойабзалларни севувчилар ҳам хавф-хатарларга дуч келишлари мумкин. Айрим оёқ кийимлар мавсумбоп бўлишига қарамай, соғлиққа зарар етказади. Marie Claire нашри айнан ёз мавсумида саломатлик учун салбий таъсирга эга бўлган ёзги оёқ кийим моделларини санаб ўтди.
Подиумларда намойиш этилган ва кўпчилик томонидан эътиборга олинган ёзги тенденцияларнинг аксарияти фақат санъат асари сифатида кўриб чиқилиши мумкин. Аммо кундалик ҳаётда уларни кийиш бунга лойиқ эмас, агар дам олиш ва ёзги сайрларни узоқ даволаниш ишларига алмаштиришни хоҳламасангиз.
Шиппаклар кўпроқ пляж учун мўлжалланган ва уларни айнан ўша ерда кийган яхшироқ. Шиппакларда доимий равишда ҳаракатланиш бармоқларнинг зўриқишига олиб келади. Натижада оёқ мушаклари ва бўғимларида доимий ортиқча юк ҳосил бўлади. Яна бир аниқ камчилик шундаки, очиқ пойабзал оёқни ташқи таъсирдан ҳимоя қилмайди.
Албатта, пошналарнинг ҳам бир-биридан фарқи бор. Ингичка пошналар оёқлар учун яхши эмаслиги ҳақида кўп айтилган. Шифокорлар, айниқса, доимо пошнали оёқ кийимдан огоҳлантиради. Умуман олганда, бу каби ҳашаматли пойабзалларни фотосессия учун олиб қўйиш керак. Аммо ярим соат ичида оёқлар чиндан ҳам зўриққанини ҳис қилиш мумкин.
Сизнингча, пошнасиз пойабзал мукаммалми? Ундай эмас. Бундан ташқари, шифокорлар кичик пошнали (2-3 см) пойабзал кийишни тавсия қилади. Бу оёқ бўғимларни ортиқча зўриқтирмаслик ва яна унинг бошқа функцияларига зарар етказмаслик учун керак. Аммо текис ва айни пайтда юпқа тагликли балетка билан юриш ҳар қачонгидан ҳам осонроқ. Айтганча, масала фақат оёқлар билан чекланмайди: етарли даражада амортизация йўқлиги барча органлар ва тизимларга салбий таъсир ўтказади.
Ўрта асрлардаги ёғоч пойабзаллар кўринишидаги моделлар дастлаб урфга кирди, аммо шифокорлар буни рад этди. Қаттиқ таглик ҳаракатланиш пайтида қон айланишини қийинлаштиради ва табиий равишда мушак ҳамда бўғимларни зўриқтиради. Пойабзалнинг орқа қисми очиқ, олди қисми ёпиқлиги туфайли чиқиб кетмаслиги учун оёққа кучли босим берилади. Шунинг учун мушак-скелет тизими ҳам зўриқади.
Енгил футболка ҳамда шортилар билан ажойиб уйғунликни ҳосил қилган босоножкалар тагликнинг қаттиқлиги туфайли табиий ҳаракатга тўсқинлик қилади. Яъни уларда узоқ вақт юриш фойдали эмас ва умуман оёқлар жуда тез чарчайди.
Одатда ушбу моделдаги оёқ кийимлар катта тезлик билан урфга кирди, аммо уларнинг ҳам ўта юпқа таглиги, шунингдек баланд пошнаси ҳаракат давомида ҳеч қандай қулайлик туғдирмайди. Аксинча уларнинг зўриқишига олиб келади.
Баланд босоножкалар бўйни ҳамда оёқни визуал равишда узун кўрсатади. Аммо танганинг иккинчи тарафи ҳам бор. Бу каби моделда ҳаракатланиш давомида оёқ олд қисмга сирғалиб боради ва бу ноқулайлик келтириб чиқаради. Ҳаттоки оёқнинг таг қисмида оғриқ ҳам пайдо бўлади.
Кўринишидан ушбу туфли бежирим ва ҳар қандай аёллар орзусидаги модель. Аммо муаммо шундаки, барча томони ўралган ушбу туфлида оёқ нафас олмайди. Иссиқ мавсумда терлаб, замбуруғ ва бошқа касалликлар пайдо бўлишига олиб келади.
Нафас олмайдиган пойабзаллар ҳақида гапиргандан сўнг гардеробдан ўрин олган этиклар ҳақида гапирмаслик ғалати. Замбуруғ касалликлари хавфига қўшимча равишда, юқори қисмли каучук этиклар юришнинг физиологик ҳолатига салбий таъсир қилади, бу эса мушак-скелет тизимидаги муаммоларни келтириб чиқаради. Шифокорлар бундай пойабзал кийиш вақтини 2-3 соатгача чеклашни тавсия қилади.
Изоҳ (0)