Ҳар бир аёл ҳамиша бетакрор кўринишни хоҳлайди. Аммо сумка каби аксессуар бўйича тўғри танлов қилинмаса, у дарҳол образни бузиши мумкин. Бундан ташқари, оддий бозорда ҳам, ҳашаматли бренд дўконларида ҳам сумка танлашда қийинчиликларга дуч келиш мумкин.
AdMe нашри ҳар қандай кўринишни мукаммал тўлдиришга ёрдам берадиган маслаҳатлар учун стилистларга мурожаат қилди ва образни бойитишда ўз ҳиссасини қўшиши мумкин бўлган сумка моделларини санаб ўтди.
Классика — бу ҳамиша урфда бўладиган модель. Шунинг учун сумкада қўшимча деталлар қанчалик кам бўлса, кўриниш шунча яхши бўлади. Мисол учун, жуда замонавий вариант сифатида катта қора рангдаги сумкани олиш мумкин. Аммо 2022 йилнинг асосий тенденцияларидан бири — тўқилган сумкалардан иложи бўлса қочиш яхшироқдир. Негаки, улар кейинги мавсумда ҳам урфда бўладими ёки йўқ, номаълум.
Мутахассислар универсал рангли сумкаларга эътибор қаратишни маслаҳат беради. Гарчи ҳозирги кўриниш учун ёрқин рангларни танлаш мумкин бўлса-да, лекин стилистлар бироз жиддий рангларга урғу беришни таклиф қилади. Бу қора, оқ, қаймоқ, қуюқ кўк ва кул ранглардир.
Сумкадаги ялтироқ элементлар тўплами моделни замонавий қилиб қўймайди. Аммо ипак шарф бу вазифани жуда яхши бажаради. Тутқичга боғланган ёки ўралган ушбу аксессуар ҳар қандай сумкага нафис кўриниш беради.
Улкан ҳарфлар билан ёзилган ва яққол кўриниб турадиган сумкалар маркаси унчалик ҳам уйғун кўриниш ҳосил қилмайди. Логотипнинг иложи борича кўринмагани яхшироқдир. Бу оддий ҳамда махсус бренд остида ишлаб чиқариладиган моделлар учун бирдек тегишли.
Сумка танлаётганда унинг халтага ўхшаш кўринишидан харид қилмаслик керак. Мутахассислар пастки қисми қаттиқ ва ён қопламали моделларга эътибор беришни маслаҳат беради. Шу туфайли сумка ўз шаклини сақлаб қолади ва ичидаги нарсалар аралашиб кетмайди.
«Гўзаллик қурбонлик талаб қилади», деган стереотипдан фарқли ўлароқ, чинакам замонавий сумка ҳар доим эгасига қулайлик яратади. Шунинг учун қаттиқ ва оғир моделларни елкани оғритмайдиган ва тақиш осон бўлганлар билан алмаштириш керак. Бундан ташқари, улар деярли ҳар қандай либос турига ҳам мос келади.
Ҳар қандай сумка бир нечта материалдан тикилади. Агар улар бирлашадиган жойларда қирралар оддийгина кесилса ва қайта ишлов берилмаса, сумка сифатсиз моделлар қаторидан жой олади. Ахир, бундай моделлар тезда йиртилади ва эскиради. Ҳақиқатан ҳам сифатли сумкалар ҳар доим чиройли тарзда тикилган қирраларга эга.
Бу, айниқса, чарм сумкалар учун тўғри келади. Биринчидан, улар қанча кўп қисмларга эга бўлса, улар тезроқ эскиради. Иккинчидан, безакларсиз юқори сифатга эга моделлардан фойдаланиш бошқаларга қараганда анча осон ҳамда узоқ хизмат қилади.
Сумкадаги барча замоклар металлдан бўлгани маъқул, чунки улар бошқа материаллардан ясалганлардан фарқли ўлароқ, осон ҳаракатланади ва камдан-кам ҳолатларда синади.
Яхши сумка чиройли дизайни билан эмас, балки кўп қирралилиги билан ажралиб туради. Бунга ёрқин мисол классик клатчдир. Мутахассисларнинг фикрига кўра, у ҳар доим гардеробда бўлишга арзийди, чунки бундай модель нафақат махсус ҳолатлар учун, балки кундалик ҳаёт учун ҳам мос келади. Шунингдек, агар унга тасма боғланса, уни иш жойига ҳам атқиб бориш мумкин.
Ҳашаматли кўриниш учун сумкани елкада ёки қўлда эмас, балки тирсакнинг бурилишига илб қўйиш кифоя. Кичкина бўлса ҳам ажойиб. Албатта, катта шаҳар ҳаёти учун фақат телефон ва лаб бўёғи сиғадиган сумкаларни олиб юриш ҳар доим ҳам мумкин эмас. Бироқ, ҳар қандай имкониятда бундай образни синаб кўриш мумкин — масалан, боғда сайр қилиш учун.
Изоҳ (0)