Ҳар қандай гардеробга мос келадиган ёзги образ учун махсус формула борми? Албатта, ҳа. Кенг юбкалар, тўғри бичимдаги кўйлак ва сарафанлар иссиқ мавсум учун ҳам мукаммаллик ҳам қулайликни таъминлайди. Аммо ҳар қандай кийим учун тўғри пойабзал танлаш керак бўлади, бу эса замонавий образнинг ажралмас бир қисмидир. Marie Claire нашри қайси моделдаги оёқ кийимлар ҳар қандай услубдаги либослар билан мос келишини маълум қилди.
Нафис, бежирим ҳамда кичик пошнали пойабзал моделлари ҳар қандай жойда кўйлаклар билан мос келади. Кун давомида улар кийимга романтик кўриниш қўшиб, образни янада тўлиқ ва мукаммал кўрсатади. Мазкур мавсумда 90 йиллар услубидаги кичик пошнали пойабзал ёки шиша товонли моделларга устунлик бериш мумкин. Классик, қора, оқ ёки қаймоқ ранглардаги бундай пойабзал ҳар қандай кийимга мос келади.
Қалин тагликли сандаллар юбка, кўйлак ҳамда клёш шимлар билан ажойиб уйғунликни касб этади. Ушбу пойабзал аёлларга янада эркинлик ва қулайлик туғдиради. Қўпол пойабзаллар енгил ёзги либослар билан мукаммал тарзда ажралиб туради, бу услубларнинг аралашмасига эришишга ёрдам беради. Сандалларни харид қилишда уларни ҳар қандай либос билан мослаш учун универсал рангларга эътибор бериш тавсия этилади.
Кечки либослар, байрам костюмлари ёки расмий услуб учун классик туфлилар мос келади. Бу пойабзал қора ёки қаймоқ ранг бўлиши мумкин. Тўпиқ соҳаси билан кийиладиган пошнали туфлилар табиий равишда образни янада ҳашаматли кўрсатади, шунингдек, бундай пойабзал кийган аёлда дадиллик ҳамда ўзига ишонч ортади.
Анжелина Жолининг ҳар доим либослар билан уйғунлаштирган севимли пойабзали. Балеткалар ушбу мавсумда яна урфга қайтди, яъни улар яна гардеробдан ўз ўрнини эгаллади. Қулай ҳамда кўп қиррали балеткалар турли хил либослар билан замонавий кўринади, кўйлаклар билан романтик ва нафис кўринишга эришиш мумкин.
Кўплаб замонавий аёллар нафис либослар билан қарши услубдаги оёқ кийимдан комбинация ҳосил қилишни ёқтиради. Масалан, кроссовка ёки кедалар билан. Бу янада қулайроқ ва тасодифий кўринишга олиб келади, унда кун бўйи шаҳар бўйлаб сайр қилиш ва фестиваль ёки зиёфатда эрталабгача рақсга тушиш мумкин.
Кўпчилик ёзда ёпиқ пойабзал кийишни хоҳламайди. Аммо юлдузлар ва мода ихлосмандларининг энг ажойиб қиёфасини эсланг — улар ёзги кийимларни кузги этиклар билан бирлаштиришни яхши кўради. Қалин тагликка эга этиклардан ёзги образ яратиш ёз мавсумида ҳам ёғингарчилик кузатиладиган мамлакатларда айни муддао.
Изоҳ (0)