АҚШнинг Калифорния штатида ўрмон ёнғинлари сабаб минглаб аҳоли уйларини тарк этишга мажбур бўлди.
Калифорниядаги ўрмон ёнғини АҚШ бўйлаб йилнинг энг йирик ёнғинларидан бирига айланди. Ҳозирда олов улкан қадимий секвоялари билан машҳур Йoсемит миллий боғи томон силжимоқда.
Тез тарқалаётган ўрмон ёнғинларини бартараф этиш учун 2000 га яқин ўт ўчирувчилар, ҳаво цистерналари, бульдозерлар ва бошқа бригадалар жалб қилинди, бироқ маҳаллий ўт ўчириш расмийларининг айтишича, ёнғин барча саъй-ҳаракатларни ортда қолдирган.
«Ёнғин бизни тезда четлаб ўтди. Қўлимиздаги ресурслар билан ҳам унга ҳужум қила олмадик. Бутун фаолиятим давомида ёнғиннинг бундай тус олишини кўрмаганман», — деди Калифорния ёнғин хавфсизлиги бошлиғи Жастин Макомб.
Калифорния ўрмон хўжалиги ва ёнғиндан ҳимоя қилиш департаменти (Cal Fire) маълумотларига кўра, 24 июль ҳолатига ёнғин 6314 гектар майдонни эгаллаган ва уни ўчириш фоизи нолга тенг бўлган. Ўнта бино вайрон бўлган ва яна бештаси зарар кўрган.
Изоҳ (0)