Нукус яқинидаги полигонда 100 дан ортиқ ит ва мушукларнинг жасади топилгани айтилгани, аммо хабар ўз тасдиғини топмагани ҳақида хабарлар берилганди. Санитар тозалаш бўйича ихтисослаштирилган корхоналар республика бирлашмаси ҳам хабар юзасидан ўрганиш натижаларини эълон қилди.
Мазкур ҳолат Қорақалпоғистон Экология ва атроф-муҳитни муҳофаза қилиш қўмитасининг инспекторлари П.Низомов ва Қ.Римов томонидан жойига чиқиб ўрганилди. Ўрганиш давомида Нукус шаҳри яқинида жойлашган маиший чиқиндилар полигонида ҳеч қандай ит ва мушукларнинг жасади йўқлиги маълум бўлди.
Таъкидлаб ўтиш жоизки, ўрганиш асносида ит ва мушукларнинг жасадлари Нукус шаҳар ободонлаштириш бошқармаси масъул шахслари томонидан А-380 Нукус—Тўрткўл автомагистрал йўлининг ўнг томонида, аҳоли яшаш пунктидан тахминан 12—15 километр узоқликдаги белгиланмаган жойга ноқонуний равишда кўмиб ташлангани аниқланди.Ушбу ҳолат бўйича қонунга хилоф равишда иш тутган масъул шахслардан тушунтириш хатлари олинди, зарур ҳужжатлар расмийлаштирилиб, Қорақалпоғистон Республикаси прокуратурасига тақдим этилди.
Хабарларда эътироф этилган 100 дан ортиқ ит ва мушукларнинг жасади айнан Нукус шаҳри яқинидаги полигондан топилмагани, мазкур далиллар асоссиз эканини маълум қиламиз, — дейилган муносабатда.
Изоҳ (0)