Тошкент шаҳри Чилонзор туманида 4 нафар оила аъзосини пичоқлаган эркак ушланди. Бу ҳақда «Uznews.uz» хабар берди.
Қайд этилишича, 21 июль куни соат 21:10 атрофида фуқаро Д.С. (1989 йилда туғилган) Чилонзор туманида жойлашган хонадонда яшаб келаётган турмуш ўртоғи Д.С. (1994 йилда туғилган) билан оилавий низо сабабли ўзаро жанжаллашган. У ошхона пичоғи билан хотини ва фарзанди М.А (2015 йилда туғилган), ушбу хонадонда яшаб келаётган Д.С.нинг онаси Л.А. ҳамда синглиси Н.А.нинг турли соҳаларига бир неча маротаба уриб, қасддан ўлдиришга суиқасд қилган.
Туман прокуратураси томонидан Д.С.га нисбатан Жиноят кодексининг 25 (Жиноятга тайёргарлик кўриш ва жиноят содир этишга суиқасд қилиш) ва 97-моддаси (қасддан одам ўлдириш) 2-қисми «а» банди билан жиноят иши қўзғатилган.
Изоҳ (0)