Ижтимоий тармоқларда 24 июль куни Тошкент вилояти Янгийўл туманида ЙТҲ содир бўлгани юзасидан видео тарқалганди. Туман ички ишлар бўлими «Дарё» сўровига кўра воқеа тафсилотларини маълум қилди.
Қайд этилишича, соат тахминан 09:00 да Янгийўл тумани «Қўшёғоч» МФЙ ҳудудидан ўтувчи 4Р-22 йўлининг 53-километрида ҳайдовчи — 2000 йилда туғилган А.I. бошқарувида бўлган Nexia автомобиль ўзига нисбатан қарама-қарши томондан ҳаракатланиб келаётган ҳайдовчи — 1967 йилда туғилган Ў.Т. бошқарувида бўлган Isuzu русумли (МЧЖга тегишли) автобус билан тўқнашиши оқибатида ЙТҲ содир бўлган.
Nexia ҳайдовчиси А.I. олган оғир тан жароҳати оқибатида воқеа жойида вафот этган. Isuzu автобус йўловчиси — 1990 йилда туғилган Л.Р. (аёл) тан жароҳати билан шифохонага мурожаат қилган. Ҳозирда мазкур ҳолат юзасидан Тошкент вилояти ИИББ ЙҲХБ томонидан суриштирув ишлари олиб борилмоқда.
Изоҳ (0)