Нидерландиянинг Роттердам шаҳри порти Россияга ва Россиядан контейнер ташишни тўхтатишга қарор қилди. Бу ҳақда жума куни порт сайтида хабар берилган.
Россияга ва Россиядан контейнер ташиш тўхтади, глобал контейнер логистикасидаги доимий тўсиқлар товарларнинг йирик контейнер портларидан кичикроқ портларга ўтишига олиб келди. Сўнгги ойларда кўмир ва нефтга нисбатан санкциялар фонида Россия кўмири, нефть ва нефть маҳсулотлари ҳамда суюлтирилган газ (LNG) камроқ импорт қилинди. Борган сари компаниялар бу маҳсулотларни бошқа мамлакатлардан сотиб олмоқда, — дейилади хабарда.Порт маъмурияти контейнер ташиш Россияга қарши санкциялар ва шу билан боғлиқ ноаниқликлар фонида амалга оширилмаётганини маълум қилди.
Украинадаги уруш кўп нуқталарда сезиларли ўзгаришларга олиб келган. Масалан, Европада Россия газининг қувурлар орқали импортини камайтириш муқобили сифатида, LNG ва кўмир сотиб олиниши кескин ўсди. Нефтьни қайта юклаш ҳажми эса ошган, айни пайтда нефть маҳсулотлари камайди, — дейилади баёнотда.Reuters хабарига кўра, Украинадаги можаро ва санкциялар туфайли биринчи ярим йилликда портнинг юк айланмаси 1,5 фоизга қисқарган. Россиядан жўнатилаётган юклар қанчага камайганини айтишга ҳали эрта, бироқ ҳозирда «айрим компанияларнинг Россия билан деярли барча соҳаларда бизнес юритмаслик ҳақидаги санкциялари ва қарорлари таъсирини кўриш мумкин», — деди порт вакили.
Агентлик маълумотларига кўра, 2021 йилда Роттердамга кирувчи нефть умумий ҳажмининг 30 фоизи Россиядан келган, рус гази эса барча импортнинг 25 фоизини, кўмир эса 20 фоизини ташкил қилган.
Мавзуга доир: Россия Европа Кенгаши келишувларидаги иштирокини тўхтатди
Изоҳ (0)