«Рома» клуб либосларини бир кунлик сотуви бўйича рекорд ўрнатди.
Пауло Дибала «Рома»га ўтгач, мухлислар биринчи куннинг ўзидаёқ унинг исми туширилган бир неча минг либосларни харид қилди. Бир дона футболканинг нархи 110 евро, элита версияси эса 130 евро.
Corriere dello Sport нашрининг ёзишича, клуб «Ювентус» Криштиану Роналду харид қилинганидан сўнг, биринчи кундаги либослар сотуви бўйича рекордни такрорлаган.
«Рома» футболчилари ичида барча даврларда энг кўп сотилган либос Франческо Тоттига тегишли ҳисобланади.
Эслатиб ўтамиз, аргентиналик футболчи эркин агент сифатида римликлар таркибига қўшилди. Дибала «Рома» билан 2025 йилга қадар мўлжалланган шартномага имзо чекди.