Европада кенг кўламли ўрмон ёнғинлари юз бермоқда, ўт ўчирувчилар етишмаяпти (фото)
Европада аномал иссиқлик бошланди, бу Португалия, Испания, Хорватия ва Франция жанубида ўрмон ёнғинларини келтириб чиқарди. Баъзи ҳудудларда хавфнинг қизил даражаси эълон қилинди. Уйлар, шахсий автомобиллар, қишлоқ хўжалиги техникаси ва ёғочни қайта ишлаш заводи ёнғиндан зарар кўрган. Европада ёнғинлар қандай кечаётгани ҳақида «РБК» фоторепортаж тайёрлади.
Фото: AP Photo
Португалия
Португалия денгиз ва атмосфера институти IPМА маълумотларига кўра, 13 июль куни Португалияда 2022 йил ёзидаги максимал ҳарорат қайд этилган — 46,3 градус. Rádio e Televisao de Portugal хабарига кўра, иссиқ ҳаво туфайли Португалиянинг аксарият ҳудудларида хавфнинг қизил даражаси эълон қилинган. Қишлоқ жойларда юзага келган ёнғинлар юздан ортиқ округларга зарар етказиши мумкин. Португалия марказидаги Бемпоста қишлоғида ёнғин турар жой биноларига яқинлашди, бу эса маҳаллий аҳолининг эвакуация қилинишига олиб келди.
Орен шаҳридаги ёнғин бир ҳафтадан бери давом этмоқда. Rádio e Televisao de Portugal хабарига кўра, ёнғинни ўчиришга 400 дан ортиқ ўт ўчирувчи жалб қилинган, уларга махсус техника ва вертолётлар ҳам ёрдам бермоқда. Фото: Reuters
Лейриядаги Помбал шаҳри мери Нарсишу Мота Expressо нашрига муниципалитетдаги ёнғин билан боғлиқ вазият «жуда хавотирли» бўлиб қолаётганини айтди ва ўт ўчирувчилар чарчагани ҳақида огоҳлантирди. Фото: Reuters
Фуқаролик муҳофазаси қўмондони 600 дан ортиқ одам уйларидан эвакуация қилинганини айтди. 7 июлдан 12 июлгача бўлган вақт мобайнида 121 киши жароҳат олган. Фото:Reuters
Португалиядаги ўрмон ёнғинларини ўчиришга 1,7 мингга яқин ўт ўчирувчи ва 500 дан ортиқ техника жалб этилган. Фото: «ТАСС»
Ёнғинлар туфайли Порту ва Лиссабонни боғлайдиган автомагистрал тўсиб қўйилган. Лейрия чеккасида ёнғин турар жой биноларига яқинлашиб, тураргоҳдаги бир нечта машинани бутунлай яроқсиз ва абгор ҳолатга келтирди. Фото: AP Photo
Маҳаллий аҳоли ёнғинни тўлиқ бартараф этиш учун ўт ўчирувчилар етишмаётганидан шикоят қилиб, ўзларининг шлангларидан фойдаланган ҳолда ёнғинни ўчиришга ёрдам бермоқда. Фото: AP Photo
13 июль куни Хорватияда ўрмон ёнғинлари бошланди. Фалокат майдони 20 минг гектарга яқин бўлиб, ёнғинни бартараф этишга 300 дан ортиқ ўт ўчирувчи ва 85 та техника жалб этилган. Оловни ўчириш шамолнинг доимий ўзгарувчан йўналиши билан мураккаблашиб бормоқда, бу эса ёнғинни тўлиқ назорат қилиш имконини қийинлаштирмоқда. Ҳодиса оқибатида бир қанча уй ва автомобиллар зарар кўрган. Фото: AP Photo
Хорватиянинг 3 та туманида ёнғин содир бўлди. Шибеник-Книнск уезди ёнғин хавфсизлиги бошқармаси қўмондони Дарко Дукичнинг сўзларига кўра, кучли шамол туфайли ёнғин тез тарқалмоқда. Агар ўт ўчирувчилар ёнғинни бартараф эта олмаса, улар олов манбаси ёнидан ўтадиган магистрални тўсиб қўйиши аниқ. Фото: AP Photo
Жандармларнинг хулосасига кўра, ёнғин ўсимликлари жуда қуруқ бўлган ушбу ҳудудда қишлоқ хўжалиги техникасидан фойдаланиш оқибатида келиб чиққан бўлиши мумкин эди. Фото: Reuters
Португалия билан чегарада испаниялик ўт ўчирувчилар бир неча юз қишлоқ аҳолисини эвакуация қилди ва сешанба (12 июль) куни Саламанка провинциясини қамраб олган ёнғинни ўчиришда давом этмоқда. Фото: «ТАСС»
Испания миллий метеорология хизмати матбуот котиби Каетано Торрес сўнгги ойларда жазирама тўлқинлар ва ёмғирнинг камлиги ёнғинлар учун идеал шароит яратганини айтди. Фото: «ТАСС»
Изоҳ (0)