Бугунгу кунда дезодорант ёки антиперспирантдан фойдаланмайдиган инсонни топиш қийин. Аммо бу косметик маҳсулотни асосий вазифасидан ташқари ишлатишнинг турли хил усуллари мавжудлигини ҳамма ҳам билмайди. «Новий очаг» нашри ушбу воситадан унумли фойдаланишнинг 14 та усулини тақдим этди.
Лаб устидаги терлашга қарши
Иссиқ ҳавода юқори лабда тер томчилари пайдо бўлади, буни упа билан яшириб бўлмайди ва уни тер билан қопланган терига қўллаш мутлақо нотўғри. Шунингдек, умуман гигиенага ҳам мос келмайди. Юқори лаб устидаги соҳага шунчаки оз миқдорда ҳидсиз антиперспирантни қўллаш орқали муаммога ечим топиш мумкин. Юз териси учун алюминий тузлари бўлмаган дезодорантлардан фойдаланиш тавсия этилади.
Эпилация учун асос
Мумлашдан олдин терига антиперспирант сепиш мумкин. Бу кўпчиликда соқол ёки эпиляциядан кейин пайдо бўладиган тирнаш ва қизаришдан қочишга ёрдам беради.
Қадоққа қарши восита
Антиперспирантлар оёқ кийимларни ишқаланишдан ҳимоя қилиш воситаси сифатида ишлатилиши мумкин. Бунинг учун алюминий хлорид гексагидратли антиперспирантни танлаш керак.
Макияж фиксатори
Юзнинг энг кўп ёғ ишлаб чиқарадиган жойларига антиперспирантни юпқа қатлам билан қўллаш тавсия этилади. Кейин одатдагидек макияж қилинади. Бунинг учун таркибида алюминий бўлмаган энг табиий композицияларга эга бўлган намуналардан фойдаланиш керак.
Чивинларга қарши восита
Спрейлар ва суртма кўринишидаги дезодорантларни чивинга қарши восита сифатида қўллаш мумкин ва агар ҳашаротлар чақиб олса, улар қичишишни камайтиради. Дезодорант таркибидаги алюминий тузлари оғриқ ва шишни бартараф этишга ёрдам беради.
Кўзойнак сирғалиб кетишига йўл қўймайди
Юзнинг кўзойнак билан алоқа қиладиган жойларига антиперспирант юпқа қатлам қилиб қўлланади. Бу унинг сирғалиб кетишининг олдини олади.
Юздаги ёғли ялтирашни камайтиради
Ҳаддан ташқари кўп ёғ туфайли тери ялтирашига йўл қўймаслик учун юз соҳасига тузсиз алюминий антиперспирант сепиш мумкин. Бу терига ўзига хос порлашни берадиган ёғ секрециясининг олдини олади.
Тирноқ бўёғини тозалаш воситаси
Шикастланган маникюрни тезда олиб ташлаш учун дезодорантдан фойдаланиш мумкин. Уни тирноққа кераклича сепиб, лакдан халос бўлиш жуда осон.
Турмак бузилишининг олдини олади
Соч ҳар томонга учиб, турмаги бузилмаслиги учун юз атрофидаги соч чизиғи бўйлаб озгина дезодорант ёки антиперспирант сепиш мумкин. Агар соч калта бўлса, у ҳолда косметик воситадан бошнинг орқа қисмига ҳам қўллаш тавсия этилади.
Қуруқ шампунь
Агар сочни ювишга вақт бўлмаса, дезодорант бу ҳолатда ҳам қутқаради. Дезодорант спрейи ёғни сўриб олиши учун иложи борича уни терига яқинроқ ҳолатда сепиш керак.
Оёқларнинг ёқимсиз ҳидини бартараф этади
Алоҳида оёқ дезодорантини сотиб олишнинг имкони бўлмаса, одатдаги антиперспирантни оёқларга сепиб, муаммонинг олдини олиш мумкин.
Ҳуснбузар тошганда ёрдам беради
Одатдагидек тери тозаланади ва антиперспирантдан ҳуснбузар устига сепилади. Антиперспирантларда мавжуд бўлган триклосан бактериялар кўпайишининг олдини олади.
Изоҳ (0)