Туркманистон президенти Сердар Бердимуҳаммедов 14 июль куни давлат ташрифи билан Ўзбекистонга келди. Расмий кутиб олиш маросими, тор ва кенг доирада ўтказилган учрашувлардан сўнг икки давлат раҳбарлари ва ҳукумат вакиллари ўртасида қатор ҳужжатлар имзоланди. Бу ҳақда «Дарё» мухбири хабар берди.
Шавкат Мирзиёев ва Сердар Бердимуҳамедов Қўшма баёнот имзолади.
Давлат раҳбарлари ҳузурида икки мамлакат вазирлик ва идоралари раҳбарлари томонидан жами 19 та ҳужжатга имзо чекилди. Булар:
- «Ўзаро савдода товарлар олиб ўтиш бўйича маълумот алмашинуви тўғрисида» идоралараро баённома;
- «Музейлараро ҳамкорлик соҳасида англашув мемарандуми»;
- «Транспорт-транзит тўғрисида» идоралараро битим ҳамда «Темир йўл транспорти соҳасидаги ҳамкорликни янада мустаҳкамлаш тўғрисида» мемарандум;
- Ўзбекистон Адлия вазирлиги ҳамда Туркманистон Адолат вазирлиги ўртасида 2022—2023 йилларга мўлжалланган идоралараро ҳамкорлик;
- Илмий-техникавий ҳамкорлик тўғрисида 2022—2024 йилларга мўлжалланган ҳукуматлараро дастур ҳамда «Қўшма илмий тадқиқот лойиҳаларини ўтказиш тўғрисида» идоралараро битим;
- «Марказий Осиё халқаро институти билан Халқаро муносабатлар институти билан ҳамкорлик тўғрисида» битим ҳамда 2023—2024 йилларга мўлжалланган идоралараро ҳамкорлик дастури;
- Туризм соҳасида ҳамкорлик тўғрисида ҳукуматлараро битим;
- Амударё сув ресурсларини бошқариш, муҳофаза қилиш ва улардан оқилона фойдаланиш тўғрисида ҳукуматлараро битим;
- 2022-2025 йилларга мўлжалланган савдо-иқтисодий ҳамкорлик ва саноат кооперасиясини ривожлантириш дастури;
- Ўзбекистон—Туркманистон чегараолди савдо зонаси – Савдо марказини ташкил этиш ва фаолиятини тартибга солиш тўғрисидаги Ҳукуматлараро битим қоидаларининг амалий ижросини таъминлаш бўйича чора-тадбирлар режаси.
Фото
Изоҳ (0)