Тошкентнинг Бектемир туманида пул эвазига ўқишга киритиб қўймоқчи бўлган шахс қўлга тушди. Бу ҳақда Бош прокуратура ҳузуридаги департамент хабар берди.
Маълум қилинишича, Гулистон давлат университети талабаси У.О. танишлари ёрдамида фуқаро Ғ.нинг укаси У.ни 7 000 доллар эвазига Ўзбекистон давлат жисмоний тарбия ва спорт университетига ўқишга киритиб қўйишни ваъда қилган. Шундан 4 000 долларни олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)