Самарқанд вилоятининг Тойлоқ туманида яшовчи келин ўз жонига қасд қилгани тўғрисида хабар қилинганди. Вилоят Прокуратураси ҳолат юзасидан олиб борилган текширув жараёни ҳақида маълумот берди.
Аниқланишича, 2022 йил 27 июнь куни соат тахминан 04:30 ларда Тойлоқ тумани «Боғизағон» маҳалласида яшаган 31 ёшли келин I.Г. яшаш уйи меҳмонхонасида кийим илгичга аёллар рўмоли билан ўзини ўзи осиб жонига қасд қилган.
Ҳолат юзасидан ўтказилган дастлабки суд-тиббий экспертиза хулосасига кўра, марҳумнинг ўлими осилишда бўйин аъзоларини сиртмоқ билан қисилиши натижасида юзага келган механик асфиксиядан келиб чиққани, марҳуманинг танасида енгил тан жароҳатлари мавжудлиги кўрсатилган.
Ҳолат юзасидан туман прокуратураси томонидан терговга қадар текширув ҳаракатлари ўтказилиб, марҳума Г.I.нинг турмуш ўртоғи Х.О.га нисбатан Жиноят кодексининг 103-моддаси (ўзини ўзи ўлдириш даражасига етказиш) билан жиноят иши қўзғатилган. Ҳозирда тергов ҳаракатлари олиб борилмоқда.
Дастлабки тергов устидан Бош прокуратура томонидан назорат ўрнатилган.
Маълумот учун, Г.I. 1989 йилда туғилган О.Х. билан 2019 йилда қонуний никоҳдан ўтиб, бирга яшаб келган. Турмушлари давомида 2 нафар 2019 ва 2021 йилда туғилган фарзанди бор.
Изоҳ (0)