Андижон вилояти ҳокимлиги «Дарё»да эълон қилинган «Андижон ҳокими президент қарори ижросини таъминлаш бўйича қарор қабул қилди. Қарорида вазирларга, Тошкент шаҳар ҳокимига топшириқ берди», сарлавҳали мақолага муносабат билдириб, ҳолатга изоҳ берди.
«Андижон вилояти ҳокимининг мазкур қарори Ўзбекистон Республикаси ‘Норматив ҳуқуқий ҳужжатлар тўғрисидаъги қонуни, Ўзбекистон Республикаси Адлия вазирининг 2021 йил 15 ноябрдаги буйруғи билан тасдиқланган маҳаллий давлат ҳокимияти органлари томонидан норматив ҳуқуқий ҳужжатлар лойиҳаларини ишлаб чиқиш, юридик техник жиҳатдан расмийлаштириш ва ҳуқуқий экспертизадан ўтказиш қоидаларига асосан, белгиланган талабларга риоя қилинган ҳолда ишлаб чиқилган.
Мақолада таъкидланган камчилик қарорнинг ‘й’ кичик бандидан олинган бўлиб, жумланинг охири, яъни ‘л’ кичик банди ўқилганда Ўзбекистон Республикаси президентининг қарорида берилган топшириқларнинг барчаси маълумот ва ижро учун қабул қилингани маълум бўлади.
Президент қарори матни вилоят ҳокимининг қарорида сўзма-сўз келтирилгани, вилоят ҳокимининг қарори бошқа қуйи ташкилотларга юборилиши муносабати билан уларга Ўзбекистон Республикаси президенти қарорининг мазмунини тўлиқ етказиш мақсад қилинган», — дейилади ҳокимлик муносабатида.
Маълум қилинишича, вилоят ҳокими қарорининг «г», «й», «л» кичик бандларида иловалар тасдиқлангани кўрсатилган.
«Мақолада президент қарорининг 3-иловасидаги ‘2022—2023 йилларда оммавий ахборот воситаларини қўллаб-қувватлаш ҳамда журналистика соҳасини янада ривожлантириш чора-тадбирлари’ дастури вилоятга мослаштирилмаганлиги таъкидланган. Вилоят ҳокими қарорининг 7-бандида вилоят ҳокимининг ўринбосарлари, масъул бошқарма ва ташкилотлар, шаҳар ва туманлар ҳокимларига мазкур қарордан келиб чиқиб, ўрнатилган тартибда иш ташкил қилиниши ва белгиланган вазифалар ижросини ўз вақтида бажарилишини таъминлаши тўғрисида топшириқ берилган. Вилоят ҳокимининг қарори масъул бошқарма ва ташкилотларга ҳам юборилиши эътиборга олиниб, дастур тўлиқ тушунарли бўлиши учун дастур ўзгартиришларсиз ҳоким қарорига илова қилинган.
Ўзбекистон Республикасининг ‘Норматив ҳуқуқий ҳужжатлар тўғрисидаъги қонунининг 16-моддасида маҳаллий давлат ҳокимияти органларининг қарорлари Ўзбекистон Республикасининг Конституцияси ва қонунлари, Ўзбекистон Республикаси Олий Мажлиси палаталарининг қарорлари, Ўзбекистон Республикаси Президентининг фармонлари, қарорлари ва фармойишлари, Ўзбекистон Республикаси Вазирлар Маҳкамасининг қарорлари ва фармойишлари, шунингдек, маҳаллий давлат ҳокимияти юқори турувчи органларининг қарорлари асосида ҳамда уларни ижро этиш учун қабул қилиниши белгиланган.
Адлия вазирининг 2021 йил 15 ноябрдаги буйруғи билан тасдиқланган маҳаллий давлат ҳокимияти органлари томонидан норматив ҳуқуқий ҳужжатлар лойиҳаларини ишлаб чиқиш, юридик техник жиҳатдан расмийлаштириш ва ҳуқуқий экспертизадан ўтказиш қоидаларининг ‘в’ кичик бандида муқаддам белгиланган тартибни ижро этишни ташкил этишга йўналтирилган ҳамда янги ҳуқуқий нормаларни ўз ичига олмаган, шу жумладан, бутун мазмуни бошқа органлар ва мансабдор шахсларнинг ҳужжатлари тўғрисида хабардор қилишдан иборат бўлган ҳужжатлар ҳудудий адлия органларида ҳуқуқий экспертизадан ўтказилмаслиги кўрсатилган», — дейилади Андижон вилояти ҳокимлиги берган расмий маълумотда.
Изоҳ (0)