Тошкент шаҳрида 50, 109А ва 86-сонли йўловчи автобус йўналишларининг ҳаракати ва жадваллари сонига ўзгартириш киритилди. Бу ҳақда «Тошшаҳартрансхизмат» хабар қилди.
Қайд этилишича, 5-автобус саройи филиалига бириктирилган 50-сонли Юнусобод мавзеси 9-даҳа М.Юсуф кўчаси автобус йўналишининг ҳаракати Дўрмон йўли кўчасидан Т.Малик, Бинокор, Миллий боғ кўчалари орқали «Чингелди» маҳалласи бекатигача ташкил этилади. Йўналиш 50-сонли Юнусобод мавзеси 9-даҳа — «Чингелди» маҳалласи автобус йўналиши деб номланган ва йўналишдаги жадваллар сони ҳафтанинг барча кунларига 5 (+1) та этиб белгиланган.
8-Автобус саройи филиалига бириктирилган 109А-сонли Чиқурсой темир йўл станцияси—Чорсу метроси автобус йўналишининг тўғри йўналишдаги ҳаракати Қорасарой, А.Қодирий, Зарқайнар кўчалари орқали Чорсу метроси бекатигача ташкил этилади. Қайтиш йўналиши ўзгартиришсиз қолдирилган.
12-Автобус саройи филиалига бириктирилган 86-сонли Сергели мавзеси 12-даҳа—Чилонзор буюм бозори автобус йўналишининг иш тартиби соат 05:30 дан 21:00 гача, йўналишдаги жадваллар сони шанба ва якшанба кунларига 4 (+2) тадан этиб белгиланган.
Изоҳ (0)