Япония собиқ бош вазири Синдзо Абэни ўлдиришда гумонланувчи шахс ўз онаси қўшилиб қолган ва, унинг фикрича, Абэ яқиндан алоқадор бўлган қандайдир бир гуруҳга нисбатан нафрат туйғусини ҳис қилган, деб ёзади «РБК» NHK телеканалига таяниб.
Сўроқ чоғида 41 ёшли Тэцуя Ямагами аниқлик киритишича, онаси ушбу гуруҳга пул хайрия қилганидан кейин оиладаги муносабатлар бузилган.
Kyodo хабарига кўра, дастлаб Ямагами диний гуруҳ етакчисига ҳужум қилишни режалаштирган. Полиция маълумотлари бўйича, эркак, гўёки, собиқ бош вазир алоқадор бўлган «маълум бир ташкилот» — эҳтимол, диний гуруҳдан ранжиган ҳолатда бўлган.
Абэ 8 июль куни белидан икки марта ўқ еганидан кейин касалхонада вафот этди. Суиқасд собиқ бош вазир Нара шаҳрида нутқ сўзлаётган пайтда амалга оширилган эди.
Ҳужум қилишда гумонланувчи шахс воқеа жойида полиция томонидан қўлга олинди, унинг қўлбола қуроли мусодара қилинди. У қаршилик кўрсатмаган.
ОАВлар маълумотларига кўра, илгари Ямагами Япония ўзини-ўзини мудофаа қилиш денгиз кучларида хизмат қилган.
Эркак ўз қилмишига иқрор бўлди. Аввалроқ у Абэнинг сиёсатидан норози бўлгани туфайли уни ўлдирмоқчи бўлганини айтганди.
Изоҳ (0)