Британия дипломатларига Россия Федерацияси кенгашига ташриф буюриш тақиқланди

Россия Федерацияси кенгашининг регламентлар бўйича қўмитаси 8 июль куни бўлиб ўтган йиғилишда Буюк Британия элчиси ва бошқа британиялик дипломатларнинг Россия парламенти юқори палатаси биносига ташриф буюришини та’қиқлаш тўғрисида қарор қабул қилди. Бу ҳақда Meduza хабар берди.

Аввал Россиянинг Украинага бостириб кириши ортидан унинг Лондондаги элчиси ва бошқа россиялик дипломатларнинг Британия парламенти биносига кириши та’қиқланган эди. Бунга россиялик сенаторлар худди шу тарзда жавоб қайтарди.

Россия регламенти қўмитаси раҳбари Вячеслав Тимченконинг айтишича, бундай вазиятда россиялик сенаторлар «жим қараб туролмайди».

Кенгаш йиғилишида сенаторлардан бири Буюк Британия элчихонаси ходимлари Федерация кенгашига сўнгги пайтларда қанчалик тез-тез ташриф буюргани ҳақида сўради.

‘‘Улар сўнгги йилларда кенгашга умуман ташриф буюрмаган», — деб жавоб берди халқаро ишлар бўйича қўмитаси раҳбари Григорий Карасин.