6 июль куни АҚШнинг Жанубий Дакота штати Су-Фолс шаҳарчасида осмон яшил тусга кирди, деб ёзади Meduza. Бу соатига 140 км тезликкача етган кучли шамолдан кейин юз берди.
Су-Фолс Об-ҳаво хизмати метеорологи Питер Рожернинг сўзларига кўра, довул вақтида ёки ундан олдин қуёш нури атмосферада тарқалиб (сочилиб) кетиши туфайли, осмон баъзан ноодатий тусларга киради. Уларнинг пайдо бўлиш механизми довул чоғида ҳосил бўладиган ва йирик сув томчиларига тўла зич булутлар ўзидан асосан кўк ва ҳаворанг тусларни чиқариши билан боғлиқ. Шу тариқа, кунботар пайтидаги қуёшнинг сариқ нурлари таъсирида улар яшилимтир тусга кириши мумкин.
Рожернинг айтишича, момақалдироқ пайтида яшил осмон кучли дўлдан дарак бериши мумкин. Чунончи, қўшни Миннесота штатидаги Лейк-Уилсон шаҳарчасида бейсбол коптоги катталигидаги дўл ҳақида хабар беришган.
Изоҳ (0)