Лимонад ёз мавсумида ҳақиқий нажотдир. Биринчидан, у чанқоқни мукаммал даражада қондиради ва яхна кайфият бахш этади. Иккинчидан, иссиқ ҳавода жуда муҳим бўлган сув балансини тўлдиради.
Ушбу ичимликнинг асосий таркиби сув бўлиши керак, агар сиз уларга кўп миқдорда шакар қўшмасангиз, диетани соғлом лимонадлар билан диверсификация қилишингиз мумкин.
Олмали лимонад
Биринчи навбатда 2 та олмани иккига бўлиб ўрта қисмини тозалаб олинг. Кичикроқ 2 та лимонни тозаланг. Олма ва лимонни майда бўлакларга бўлинг ва шарбат чиқаргичдан ўтказинг. Таъмига қараб озроқ туз қўшинг ва аралаштиринг. Шарбатни бир неча дақиқага қолдиринг, кейин унинг устида ҳосил бўлган кўпикни олиб ташланг. Устига муз бўлакчаларини солинг.
Апельсинли лимонад
Бу ичимликни тайёрлашда 1,5 литр минерал сувга(газлангани ёки газланмагани ҳам бўлади), яримта апельсин, озроқ янги ялпизни тўғраб олинг. Занжабилни тозаланг ва майда қирғичдан ўтказинг ва кейин уни ҳам сувга қўшинг. Занжабилдан эҳтиёт бўлинг: таъбингизга қараб ундан фойдаланинг. Лимонадни музлатгичда уч соат ёки бир кечага қолдиринг.
Хушбўй ҳидга ва ўткир таъмга эга лимонад
Учта лимонни тозаланг ва унинг шарбатини сиқиб олинг. Ялпиз ва таррагоннинг икки новдасини майдалаб, майдалагич билан аралаштиринг. Кейин 500 мл сувни қайнатиб олинг, унга ялпиз ва таррагон аралашмасини қўшинг. Ярим соатдан кейин шарбатни бошқа идишга сузиб олинг ва ва сиқилган лимон шарбатини қўшинг. Уни ўзингиз истаганча совутинг ва ичимлик тайёр!
Ялпизли тоник
Бинафшаранг ялпизга 3-4 бўлак лимон қўшинг. Ундан кейин 1 ош қошиқ шакар ва 1,5 литр қайноқ сув қуйинг. Бир неча соатдан кейин сиз ичимликни совутилган ҳолда ичишингиз мумкин.
Ичимликни истеъмол қилишда чанқоғингизга ва ёши каттароқ яқинларингизга алоҳида эътибор беринг. Кексаликда чанқоқлик ҳисси камаяди, шунинг учун уларга иссиқ ҳавода хоҳлаганидан 1-2 стакан кўпроқ лимонад ичишни маслаҳат беринг. Бундан ташқари, кам ёғли сут маҳсулотлари, соя сути, бодом сути, қаҳва ва чойни меъёрида ва ширин таъм берувчи маҳсулотларсиз истеъмол қилиш тўғри ишдир.
Мавзуга доир:
Изоҳ (0)