Қийма қўшиб тайёрланадиган сабзавотли рагу рецепти

Қовоқча, бақлажон, сабзи, помидор, пиёз ва қалампир каби кўплаб сабзавотлардан тайёрланадиган ушбу таом жуда фойдали ва ширин таъмга эга.

Керакли масаллиқлар:

• сабзи — 1 дона
• пиёз — 1 дона
• ўсимлик ёғи — 1-2 қошиқ
• қийма — 300 грамм
• бақлажон — 1 дона
• ичимлик суви — 150 мл
• қовоқча — 1-2 дона
• картошка — 2 дона
• помидор — 1-2 дона
• булғор қалампири — 1 дона
• туз
• мурч
• саримсоқпиёз — 3 бўлак

1. Сабзи ва пиёзни ўртасидан кесиб тўғраб олинг. Товада ўсимлик ёғи билан 5—­­­7 дақиқа қовуринг.
2. Қиймани ҳам худди шу идишга солинг ва сабзавотлар билан аралаштириб, 7—8 дақиқа давомида пиширинг.
3.  Картошка ва бақлажонни ҳам жуда майда бўлмаган шаклда кесиб олинг ва қиймага  қўшиб қовуринг. Ундан сўнг сув қўшиб, қопқоғини ёпинг ва 5—7 дақиқа қайнатиб олинг.
4.  Қовоқни ҳам картошка ва бақлажон каби бўлакларга бўлиб олинг. Товадаги маҳсулотларни аралаштиринг ва яна 5 дақиқа қайнатинг.
5. Помидор ва қалампирни ўртача катталикдаги  бўлакларга бўлинг. Сабзавотларни қийма билан аралаштириб туз, қалампир ва майдаланган саримсоқпиёзни қўшиб аралаштиринг.
6. Сабзавотлар юмшоқ бўлгунга қадар 15 дақиқа ёки ундан кўпроқ вақт давомида тованинг оғзи ёпиқ ҳолда, паст оловда қайнатиб пиширинг. Вақти-вақти билан овқатни аралаштириб туринг.

Мавзуга доир:

• Жазирамада айни муддао: ноодатий совуқ шўрва рецептлари
• Колбаса ва пишлоқ билан пишириладиган бақлажонли егулик рецепти