Помидор ва пишлоқ қўшилган товуқли таом рецепти

Тушлик ёки кечки овқат, шунингдек, байрамона стол учун тайёрланиши осон ва мазали таом рецепти билан бўлишамиз.

Маҳсулотлар:

• Товуқ тўши — 4 дона
• Қаттиқ пишлоқ ёки моцарелла — 80-100 г
• Помидор — 2 та
• Соя соуси — 2 ош қошиқ
• Ўсимлик мойи — 1 ош қошиқ
• Саримсоқ
• Туз
• Мурч
• Кўкатлар

1. Ҳар бир товуқ тўшига 5-6 та кўндаланг кесма кесинг.
2. Пишлоқ ва помидорни ингичка бўлакларга бўлинг.
3. Товуқни туз ва мурч билан зираворланг.
4. Ҳар бир кесилган жойга бир бўлак помидор ва пишлоқ қўйинг.
5. Товуқни печ патнисига қўйиб, соя соуси, ёғ ва саримсоқни аралаштириб, товуқ тўшига суртинг.
6. Тахминан 30 дақиқа давомида 200 ° C да олдиндан қиздирилган печда пиширинг.
7. Тайёр таомга майдаланган кўкат сепинг.