Limonad yoz mavsumida haqiqiy najotdir. Birinchidan, u chanqoqni mukammal darajada qondiradi va yaxna kayfiyat baxsh etadi. Ikkinchidan, issiq havoda juda muhim bo‘lgan suv balansini to‘ldiradi.
Ushbu ichimlikning asosiy tarkibi suv bo‘lishi kerak, agar siz ularga ko‘p miqdorda shakar qo‘shmasangiz, dietani sog‘lom limonadlar bilan diversifikatsiya qilishingiz mumkin.
Olmali limonad
Birinchi navbatda 2 ta olmani ikkiga bo‘lib o‘rta qismini tozalab oling. Kichikroq 2 ta limonni tozalang. Olma va limonni mayda bo‘laklarga bo‘ling va sharbat chiqargichdan o‘tkazing. Ta’miga qarab ozroq tuz qo‘shing va aralashtiring. Sharbatni bir necha daqiqaga qoldiring, keyin uning ustida hosil bo‘lgan ko‘pikni olib tashlang. Ustiga muz bo‘lakchalarini soling.
Apelsinli limonad
Bu ichimlikni tayyorlashda 1,5 litr mineral suvga(gazlangani yoki gazlanmagani ham bo‘ladi), yarimta apelsin, ozroq yangi yalpizni to‘g‘rab oling. Zanjabilni tozalang va mayda qirg‘ichdan o‘tkazing va keyin uni ham suvga qo‘shing. Zanjabildan ehtiyot bo‘ling: ta’bingizga qarab undan foydalaning. Limonadni muzlatgichda uch soat yoki bir kechaga qoldiring.
Xushbo‘y hidga va o‘tkir ta’mga ega limonad
Uchta limonni tozalang va uning sharbatini siqib oling. Yalpiz va tarragonning ikki novdasini maydalab, maydalagich bilan aralashtiring. Keyin 500 ml suvni qaynatib oling, unga yalpiz va tarragon aralashmasini qo‘shing. Yarim soatdan keyin sharbatni boshqa idishga suzib oling va va siqilgan limon sharbatini qo‘shing. Uni o‘zingiz istagancha sovuting va ichimlik tayyor!
Yalpizli tonik
Binafsharang yalpizga 3-4 bo‘lak limon qo‘shing. Undan keyin 1 osh qoshiq shakar va 1,5 litr qaynoq suv quying. Bir necha soatdan keyin siz ichimlikni sovutilgan holda ichishingiz mumkin.
Ichimlikni iste’mol qilishda chanqog’ingizga va yoshi kattaroq yaqinlaringizga alohida e’tibor bering. Keksalikda chanqoqlik hissi kamayadi, shuning uchun ularga issiq havoda xohlaganidan 1-2 stakan ko‘proq limonad ichishni maslahat bering. Bundan tashqari, kam yog‘li sut mahsulotlari, soya suti, bodom suti, qahva va choyni me’yorida va shirin ta’m beruvchi mahsulotlarsiz iste’mol qilish to‘g‘ri ishdir.
Mavzuga doir:
Izoh (0)