Россиянинг Украинада ҳарбий амалиёт ўтказишдаги асосий устувор йўналишлари россиялик ҳарбий хизматчиларнинг ҳаёти ва соғлиғини сақлаш, шунингдек, тинч аҳоли хавфсизлигига таҳдидни йўқ қилишдир, деди Россия Федерацияси мудофаа вазири Сергей Шойгу конференция чоғида.
Вазир операция «Олий бош қўмондон томонидан қўйилган вазифалар тўлиқ бажарилмагунча» давом этишини таъкидлади.
Аввалроқ у Украинадаги урушни узайтириш мақсадида Киевга қурол етказиб беришда давом этаётгани учун «коллектив Ғарб»ни айблаганди. Мудофаа вазирлиги маълумотларига кўра, у ерга (Украинага) 28 минг тоннадан ортиқ ҳарбий юк етиб келган. Вазирнинг таъкидлашича, қуролларнинг бир қисми «Яқин Шарқ минтақаси бўйлаб тарқалади, шунингдек қора бозорга ҳам киради».
Изоҳ (0)