Август ойидан бошлаб Саудия Арабистони Осиё мамлакатлари учун экспорт қилинадиган нефтнинг барча турлари нархини оширади, дея хабар беради Saudi Аramcо давлат компанияси.
Осиёга етказиб бериладиган асосий Arab Light турининг нархи бир баррель учун 2,8 долларга ошади. Натижада бир баррель Саудия нефти Уммон ва Дубайдан олиб келинган бир баррель нефтдан 9,3 доллар қимматга тушади, бу май ойидаги рекорд даражага яқин. Май ойида бу нарх бир баррель учун 9,35 долларга етганди.
АҚШга экспорт қилинадиган нефть нархи эса август ойида ҳам июль ойидаги даражасида қолади.
Изоҳ (0)