Сурхондарё вилоятига Афғонистон томондан учирилган 5 та снаряд қулади, дея хабар қилмоқда Ташқи ишлар вазирлиги.
2022 йил 5 июль куни тахминан соат 16:20да Ўзбекистон билан чегарадош ҳудудда Афғонистон ҳудудидан учиб кетганлиги тахмин қилинаётган бешта снаряд қулагани қайд этилди.
Қайд этиш жоизки, снарядлар тушганда портлашлар содир бўлмаган, бунинг натижасида инсон қурбонлари ва вайронагарчиликлар кузатилмаган. Термиз шаҳридаги «Мажнунтол» маҳалласида жойлашган тўртта хусусий уйга кичик зарар етган, бешинчи снаряд футбол майдонидан топилган. Топилган снарядлар сапёр бирлиги томонидан зарарсизлантирилди.
Ҳозирда Ўзбекистоннинг ваколатли органлари Афғонистон томони билан биргаликда ушбу ҳодиса сабабларини аниқлаш бўйича зарур чора-тадбирларни амалга оширмоқда.
Изоҳ (0)