«Манчестер Юнайтед» ёзда бир нечта трансферни амалга оширади.
Manchester Evening News нашри хабарига кўра, Манкунианликлар «Фейеноорд» ҳимоячиси Тирелл Маласия билан келишувга эришган. «Барселона» ярим ҳимоячиси Френки де Йонгнинг трансфер нархи бўйича оғзаки келишув бор. Шунингдек, «Аякс» марказий ҳимоячиси Лисандро Мартинесга расмий таклиф юборган.
«Манчестер Юнайтед» бош мураббийи Эрик тен Ҳаг «Аякс» вингери Антони ва Дания терма жамоаси аъзоси, «Брентфорд» билан шартномаси якунига етадиган Кристиан Эриксенни олиб келиш ҳақида ўйламоқда.
«Қизил иблислар» дастлабки янги футболчини ушбу ҳафтада тақдим этмоқчи. Қолган трансферлар эса июль ойи давомида, Таиланд ва Австралиядаги мавсумолди йиғинлари якунига еткунга қадар амалга оширилади.
Ундан ташқари Манчестер клуби Аарон Уан-Биссака, Брендан Уильямс, Алекс Теллес, Эрик Байи, Фил Жонс, Аксел Туанзебе, Андреас Перейра ва ҳужумчи Антони Марсьялни сотиб юбормоқчи.
Изоҳ (0)