«Реал»нинг собиқ ярим ҳимоячиси Иско «Рома»га ўтиши мумкин.
Римликлар Искога қизиқиш билдирган. 30 ёшли испаниялик ярим ҳимоячи шартномаси тугагач, Мадрид клубини текинга тарк этди.
«Рома» бош мураббийи Жозе Моуриньо Искони «Интер»га кетган Генрих Мхитаряннинг ўрнида кўрмоқчи. Келаси ҳафтада трансфер ҳал бўлиш эҳтимоли катта.
Бундан ташқари, испаниялик футболчининг агенти Хорхе Мендешда ярим ҳимоячи учун Ла Лига, Премьер-лига ва А Серия клубларидан бир нечта таклифлар бор. Искога даъвогарлар орасида «Севилья», «Бетис», «Ньюкасл» клубларини кўриш мумкин.
Маълумот учун, Иско «Реал»да 9 мавсум давомида ўйнаган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)