Қорақалпоғистондаги бино ва иншоотлар 76 млрд сўмга аукционга қўйилди

Қорақалпоғистон Республикаси, Хўжайли туманидаги бино ва иншоотлар кимошди савдосига қўйилди. Лот маълумотлари «E-auksion» порталида эълон қилинган.

Фаолият тури хизмат кўрсатиш бўлган умумий 85 хонали бинолар 2019 йилда қурилган.  Объект ичидаги жиҳозлари билан сотилмоқда. 

Ер участкасининг умумий майдони 15 гектардан ортиқ. Бинонинг майдони — 62 480 квадрат метр. Бинода газ, сув, электр таъминоти ва канализация тизими мавжуд. 

Аукционга қўйилган бино ва иншоотларнинг бошланғич баҳоси — 76,2 млрд сўм. Аризалар 18 июль 09:00 га қадар қабул қилинади. Савдолар худди шу куни 10:00 да бошланади.

Аввалроқ Чорвоқдаги дам олиш маскани 32,5 млрд сўмга аукционга қўйилганди.