JPMorgan таҳлилчиларининг фикрича, жаҳонда нефть нархи бир баррель учун «мисли кўрилмаган» 380 долларга етиши мумкин. Бу ҳақда Bloomberg хабар берди.
G7 давлатлари ҳозирда Россия нефтининг максимал нархини чеклашни муҳокама қилмоқда. Россия бунга жавобан нефть қазиб олишни кунига 5 миллион баррелга қисқартириши мумкин.
Бундай кескин қисқариш бутун дунё учун жиддий оқибатларга олиб келади, — деб ёзади JPMorgan.
Агар Россия нефть қазиб олишни 3 миллион баррелга камайтирса, жаҳон биржаларида бир баррель нархи 190 долларгача ошиши мумкин.
Агар ишлаб чиқариш 5 миллион баррелга камайса, нарх 380 долларгача кўтарилиши ҳеч гап эмас, дея хабар беради JPMorgan.
Ҳозир Brent нефтининг бир баррели 111 доллар атрофида.
Аввалроқ Энергетика вазирлиги жаҳондаги нефть нархларининг Ўзбекистондаги бензин нархлари билан боғлиқлиги ҳақида изоҳ берган эди. Хусусан, энг кучли таъсир импорт хом ашёсидан ишлаб чиқариладиган Аи-91, Аи-92, Аи-95 маркаларидаги бензинга нисбатан кузатилади.
Изоҳ (0)