Американинг SpaceX корпорацияси Twitter’да иккита фотосуратни чоп этди, уларда Super Heavy ракетаси ва Starship космик кемасига ўрнатилган Raptor двигателларининг улкан «тўплами» акс этган. Эътиборлиси, компания эгаси Илон Маск бу суратларни эълон қилмаган.
Фотосуратда баъзи двигателларнинг ранги фарқланиши кўрсатилган. Эҳтимол, бу ҳали серияли нусхалар эмас, балки прототиплар. Бироқ таъкидланишича, улар фойдаланишга тайёр.
Аввалроқ Илон Маск гигант Starship SN24 ва Super Heavy Booster 7 ни акс эттирувчи суратларни чоп этган эди.
Олдинроқ эса миллиардер ёз ўрталарига келиб уча оладиган Starship ракетаси прототипи тайёр бўлишини айтган эди. Маскнинг таъкидлашича, «Август ойида учишга тайёр иккинчи Starship прототипи бўлади». Компаниянинг ўзи эса ойлик рейсларни амалга ошириш ниятида.
Изоҳ (0)