Макияждаги мазкур қўпол хатолардан баъзилари янги косметик воситалар пайдо бўлгунга қадар урфда бўлган. Қуйидаги маслаҳатлар бу хатоларни такрорламасликка ёрдам беради.
Кўзингиз рангига қараб тен танлайсиз
Кўз рангига тенни мослаштириш — СССРдаги қизларнинг олтин қоидаси бўлган. Ўшандан бери кўп йиллар ўтди, аммо «совет тенденцияси»ни йўқ қилиш осон иш эмас. Афсуски, жигарранг тен жигарранг кўзларни таъкидламайди ёки кўк тен кўккўзларга гўзаллик қўшмайди. Агар ҳали ҳам шундай макияж қилишни хоҳласангиз, тен устидан подводка суртинг.
Пастки қовоқ шиллиқ қаватини қора қалам билан бўяйсиз
Қора подводка ҳар бир қизнинг сумкасида бўлиши шарт. Қора қалам билан чизилган каял (пастки кўз қовоғининг шиллиқ қисми) жуда чиройли кўринади, лекин кўзлар катта бўлса. Бошқа барча ҳолатларда, пастки қовоқнинг шиллиқ қаватидаги қора қалам мутлақо тескари таъсир кўрсатади. Сара Жессика Паркерни эсланг: шу оддий хато туфайли актриса доимо кўзларини қисиб юрадиганга ўхшайди.
Юқори киприкларингизни қайирмайсиз
Чиройли ва узун кирпиклар ҳар бир қизнинг орзуси. Аммо табиат сизни бундай совға билан мукофотламаган бўлса-чи? Бунда сизга туш ва кирпик қайирадиган мослама ёрдам беради. Туш қўйишдан олдин юқори киприкларингизни бироз қайирсангиз, кўзларингиз янада катта кўринади.
Жуда қуюқ рангдаги смоки-айс чизасиз
Смоки-айс кўзларни визуал равишда катта кўрсатади деган афсонани йўқ қилиш вақти келди. Ушбу услуб кўзларга чўзилган шаклни бериши мумкин, лекин уларни катталаштирмайди. Тўқ тен суртилган бўлса ҳам кўзларни визуал равишда кичрайтиради.
Жуда оч рангдаги консилер ишлатасиз
Кўз остидаги қора доиралар муаммоси ҳар икки қиздан бирига таниш. Улардан халос бўлиш осон эмас, лекин уларни консилер билан яшириш осон. Аммо бир нарсага эътибор бериш керак: оч рангдаги консилер қора доираларни мукаммал яширади, лекин айни пайтда кўзни визуал равишда кичрайтиради.
Тўқ рангдаги тенлардан фойдаланасиз
Ялтироқ тенлар кўзларни визуал равишда катталаштирса, замонавий жилосиз тенлар, афсуски, бундай қилмайди. Кўзларингиз ифодали кўринишини истасангиз, тўқ ранли жилосиз тенлардан фойдаланманг. Тўқ рангли тенлардан подводка билан фойдаланишингиз мумкин, лекин уларни ҳеч қачон юқори қовоққа суртманг.
Изоҳ (0)