Қуйидаги оддий усуллар нафақат вақтингизни, балки пулингизни ҳам тежайди.
Қўллашдан олдин қора қаламни қиздириб олинг
Кўз четига текис ва силлиқ стрелка чизиш учун кўзга суртиладиган қаламни қиздириш керак. Бунинг учун қалам учини оловга (масалан, зажигалкага ёки ёниб турган гугуртга) бир сония қўйинг, совиши учун тахминан 15 сония кутинг. Стрелка қанчалик тартибли ва чиройли чиққанидан ҳайрон қоласиз!
Макияжни турли хил ёруғликда синаб кўринг
Уйдан чиқишдан олдин қилинган макияжни бошқа ёруғликда ҳам текширинг: кечки пайт ёрқинроқ чироқ остида ёки кундузги ёруғликда. Бу юзнинг нотекислигини ёки кўз қовоқларида қолган ортиқча тенларни кўришга ёрдам беради.
Шаффоф асос билан биргаликда оқ лакдан фойдаланинг
Маникюрни ёрқинроқ қилиш учун шаффоф асос билан бирга оқ лак қўлланг: у тирноқ пластинкасини бўёқлардан самарали ҳимоя қилади, шунингдек, асосий лак рангини янада ёрқин кўрсатади.
Киприкларингизни тўғри бўянг
Киприкларни бўяшда туш чўткасини юқорига эмас, балки бурун томонга йўналтиринг – шунда киприклар қалинроқ, кўзлар эса катта ва ифодали кўринади.
Атирни тўғри қўлланг
Пулс нуқталарига: билаклар, қулоқларнинг орқаси, бўйин тагига сепинг.
Бўшаган косметикани ташлаб юборманг
Суюқ бўяниш базаси тугадими? Найчани кесиб олинг ва идиш деворларида тўпланган қолдиқни кичик идишчага қуйинг. Қанчалик кўп база қолганига ҳайрон қоласиз.
Оқ қалам билан кўзларга урғу беринг
Оддий, аммо самарали усул: оқ қаламни бутун кўз қовоғига суртинг, шундан кейингина тендан фойдаланинг. Оқ қалам рангни яхшилайди ва кўзларни янада жозибали қилади.
Лаб бўёғига пудра суртинг
Помада лабингизда узоқроқ туришини хоҳлайсизми? Бўялган лабларга салфетка қўйинг ва устига бир оз пудра сепинг. Ажойиб эффект беради.
Изоҳ (0)