Ўрта аср шоирлари гўзал аёлларнинг терисини шафтоли билан таққослаганлари бежизга эмас. Сўнгги тадқиқотлар шуни кўрсатдики, бу мевалар тери учун жуда фойдали. Elle нашри унинг кўпчиликка номаълум хусусиятларининг еттитасини санаб ўтди.
Ёшликни сақлаб қолади
Шафтоли таркибидаги C витамини коллаген ишлаб чиқаришни рағбатлантиради, бу терига эластиклик беради. Бундан ташқари, ушбу витамин қаришнинг асосий сабаби бўлган эркин радикални чиқариб ташлайди.
Таркибида оқсил мавжуд
Шафтолини мунтазам истеъмол қилиш иммунитет тизимини мустаҳкамлайди, кўплаб юқумли ва тери касалликларидан ҳимоя қилади. Бундан ташқари, шафтоли терининг тез янгиланишига ҳисса қўшади. Ушбу мева таркибидаги оқсил кўплаб ҳаётий жараёнлар учун зарурдир.
Теридаги муаммоларни бартараф этади
Шафтоли ёки унинг пўстидан тайёрланган ниқоблар нафақат терини намлайди, балки ҳуснбузар ёки кимёвий пилингдан кейин тезда шифо топишга ҳам ёрдам беради.
Тери янгиланишига ёрдам беради
Шафтоли ичкаридан озиқлантирибгина қолмай, балки косметик фойдаланиш учун ҳам фойдалидир. Мисол учун, табиий йогурт билан аралаштирилган шафтоли пюреси ниқоби қуруқ тери учун ажойиб намловчи воситадир. Шунингдек, у кўз остидаги қора халтачалардан халос бўлишга ёрдам беради.
Таркибида селен бор
Селен кучли антиоксидант бўлиб, ҳужайраларнинг қариш жараёнини секинлаштиради ва соч ҳамда тирноқларнинг ўсишига ёрдам беради. Тиббий тадқиқотлар шуни кўрсатадики, селен етишмаслиги тери саратонининг айрим шакллари хавфини ошириши мумкин. Тўғри, бу ҳолда жуда кўп мева истеъмол қилиш керак бўлади. Аммо мева творог билан тановул қилинса, кундалик меъёрни осонгина тўлдириш мумкин. Чунки творог ҳам селенга ҳам бой.
Ультрабинафша нурлардан ҳимоя қилади
Шафтоли таркибидаги C, К, А витаминлари ва бета-каротин терига ультрабинафша нурларидан ҳимояланишида ёрдам беради. Илмий тадқиқотларга асосланиб, иссиқ кунларда шафтоли пюресидан тайёрланадиган коктейллар ичиш мумкин.
Таркибида А витамини бор
Бу витамин саратон касаллигининг олдини олишга ҳам ёрдам беради. Сўнгги тадқиқотлар шуни кўрсатдики, А витаминининг юқори дозалари баъзи тери саратони хавфини 32 фоизга камайтиради.
Изоҳ (0)