Ўзбекистоннинг бир қатор ҳудудларида чет эл валютасини ноқонуний муомалага киритилишининг олди олинди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Департаментнинг Бўстонлиқ туман бўлими томонидан ўтказилган тезкор тадбирда, Чирчиқ шаҳрида валюта қимматликларини ноқонуний муомалага киритиш фаолияти билан шуғулланиб келаётган Д.А. бошқа бир фуқаро Ш.га жами 5, 200 долларни 57 миллион сўмга сотган вақтида ашёвий далиллар билан ушланган.
Пахтакор туман бўлими, вилоят ИИБ ва ДХХ ходимлари томонидан ўтказилган тезкор тадбирда, валюта қимматликларини муомалага киритиш фаолияти билан шуғулланиб келаётган А.Н. бошқа бир фуқаро Ж.га жами 3 500 долларни 38,2 миллион сўмга сотган вақтида ашёвий далиллар билан ушланган.
Янгийўл туман бўлими томонидан ўтказилган тадбирда, «Фаровон» тўйхонаси олдида валюта қимматликларини ноқонуний муомалага киритиш фаолияти билан шуғулланиб келган фуқаро Д.Д. жами 3 500 долларни бошқа бир шахсга 38,1 миллион сўмга сотган вақтида ашёвий далиллар билан ушланган.
Шу каби, Кегейли туман бўлими томонидан ИИВ ходимлари билан ҳамкорликда ўтказилган тезкор тадбирда, Нукус шаҳридаги савдо мажмуаси автотураргоҳи олдида валюта қимматликларини ноқонуний муомалага киритиш фаолияти билан шуғулланиб келган фуқаро Р.М. жами 3 300 долларни фуқаро Д.га 35,4 миллион сўмга сотган вақтида ашёвий далиллар билан ушланган.
Шунингдек, Андижон вилоят бошқармаси томонидан ўтказилган тезкор тадбирда, Балиқчи туманида валюта қимматликларини ноқонуний муомалага киритиш фаолияти билан шуғулланиб келган фуқаро С.Т. жами 3 100 долларни фуқаро Қ.га 33,7 миллион сўмга сотган вақтида ашёвий далиллар билан ушланган.
Қайд этилишича, мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.
Мавзуга доир:
- Самарқандда 3,7 минг долларни 40 млн сўмдан зиёдга пулламоқчи бўлган валютафуруш ушланди
- Қашқадарё ва Самарқандда ноқонуний валюта олди-сотдиси билан шуғулланиб келаётган фуқаролар ушланди
- Қорақалпоғистонда қарийб 3 минг долларни 32 млн сўмга айирбошлаётган валютафуруш ушланди
- Тошкентда фуқаронинг 4300 долларини қарийб 50 млн сўмга айрибошлаган шахс ушланди
Изоҳ (0)