O‘zbekistonning bir qator hududlarida chet el valyutasini noqonuniy muomalaga kiritilishining oldi olindi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Departamentning Bo‘stonliq tuman bo‘limi tomonidan o‘tkazilgan tezkor tadbirda, Chirchiq shahrida valyuta qimmatliklarini noqonuniy muomalaga kiritish faoliyati bilan shug‘ullanib kelayotgan D.A. boshqa bir fuqaro Sh.ga jami 5, 200 dollarni 57 million so‘mga sotgan vaqtida ashyoviy dalillar bilan ushlangan.
Paxtakor tuman bo‘limi, viloyat IIB va DXX xodimlari tomonidan o‘tkazilgan tezkor tadbirda, valyuta qimmatliklarini muomalaga kiritish faoliyati bilan shug‘ullanib kelayotgan A.N. boshqa bir fuqaro J.ga jami 3 500 dollarni 38,2 million so‘mga sotgan vaqtida ashyoviy dalillar bilan ushlangan.
Yangiyo‘l tuman bo‘limi tomonidan o‘tkazilgan tadbirda, “Farovon” to‘yxonasi oldida valyuta qimmatliklarini noqonuniy muomalaga kiritish faoliyati bilan shug‘ullanib kelgan fuqaro D.D. jami 3 500 dollarni boshqa bir shaxsga 38,1 million so‘mga sotgan vaqtida ashyoviy dalillar bilan ushlangan.
Shu kabi, Kegeyli tuman bo‘limi tomonidan IIV xodimlari bilan hamkorlikda o‘tkazilgan tezkor tadbirda, Nukus shahridagi savdo majmuasi avtoturargohi oldida valyuta qimmatliklarini noqonuniy muomalaga kiritish faoliyati bilan shug‘ullanib kelgan fuqaro R.M. jami 3 300 dollarni fuqaro D.ga 35,4 million so‘mga sotgan vaqtida ashyoviy dalillar bilan ushlangan.
Shuningdek, Andijon viloyat boshqarmasi tomonidan o‘tkazilgan tezkor tadbirda, Baliqchi tumanida valyuta qimmatliklarini noqonuniy muomalaga kiritish faoliyati bilan shug‘ullanib kelgan fuqaro S.T. jami 3 100 dollarni fuqaro Q.ga 33,7 million so‘mga sotgan vaqtida ashyoviy dalillar bilan ushlangan.
Qayd etilishicha, mazkur holatlar yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) bilan jinoyat ishlari qo‘zg‘atilib, tergov harakatlari o‘tkazilmoqda.
Mavzuga doir:
- Samarqandda 3,7 ming dollarni 40 mln so‘mdan ziyodga pullamoqchi bo‘lgan valyutafurush ushlandi
- Qashqadaryo va Samarqandda noqonuniy valyuta oldi-sotdisi bilan shug‘ullanib kelayotgan fuqarolar ushlandi
- Qoraqalpog‘istonda qariyb 3 ming dollarni 32 mln so‘mga ayirboshlayotgan valyutafurush ushlandi
- Toshkentda fuqaroning 4300 dollarini qariyb 50 mln so‘mga ayriboshlagan shaxs ushlandi
Izoh (0)