Гиннеснинг рекордлар китобидан мунтазам равишда ўрин олиб келадиган Американинг Айдахо штатида истиқомат қилувчи Дэвид Раш бу сафар ҳам янги рекорд ўрнатди. У гитарани иягида кўтарган ҳолда 5,47 километр масофани босиб ўтди, деб хабар беради UPI.
Бу каби масофани у стадион атрофидаги югуриш йўлагини 13 марта айланиб, босиб ўтган. Раш бунинг учун 1 соат-у 7 дақиқа сарфлаган.
Эркакнинг сўзларига кўра, гитара йиқилиб кетмаслиги учун у «енгил шамол билан» курашишга мажбур бўлган. Рекорд ўрнатилганидан кейин эса у боши айланиб, оғриётганини ҳис қилган. Рекордчи ўзига келиши учун бироз ётиб дам олган.
Июнь ўрталарида Раш бошқа бир жаҳон рекордини янгилаганди. У пешонасида «бензопила»ни 31 дақиқа-ю 25 сония давомида кўтариб турган. Таъкидлаш керакки, америкалик шу вақтга қадар 250 га яқин рекорд ўрнатган.
Изоҳ (0)