Ginnesning rekordlar kitobidan muntazam ravishda o‘rin olib keladigan Amerikaning Aydaxo shtatida istiqomat qiluvchi Devid Rash bu safar ham yangi rekord o‘rnatdi. U gitarani iyagida ko‘targan holda 5,47 kilometr masofani bosib o‘tdi, deb xabar beradi UPI.
Bu kabi masofani u stadion atrofidagi yugurish yo‘lagini 13 marta aylanib, bosib o‘tgan. Rash buning uchun 1 soat-u 7 daqiqa sarflagan.
Erkakning so‘zlariga ko‘ra, gitara yiqilib ketmasligi uchun u “yengil shamol bilan” kurashishga majbur bo‘lgan. Rekord o‘rnatilganidan keyin esa u boshi aylanib, og‘riyotganini his qilgan. Rekordchi o‘ziga kelishi uchun biroz yotib dam olgan.
Iyun o‘rtalarida Rash boshqa bir jahon rekordini yangilagandi. U peshonasida “benzopila”ni 31 daqiqa-yu 25 soniya davomida ko‘tarib turgan. Ta’kidlash kerakki, amerikalik shu vaqtga qadar 250 ga yaqin rekord o‘rnatgan.
Izoh (0)