«Барселона» «Рома»нинг Гампер Кубогида иштирок этишдан бош тортганини маълум қилди.
Каталонияликларнинг баёнотида айтилишича, римликлар бир томонлама ва тушунтиришларсиз 6 август куни бўлиб ўтиши керак бўлган ўйин шартномасидан воз кечган.
«Кўк-анорранглилар» янги рақиб қидиришни бошлади. «Барса»нинг юридик бўлими клубга ва мухлисларга етказилган зарарни компенсация қилиш учун Италия клубига қарши даъво аризасини бериш имкониятини ўрганиб чиқмоқда.
Гампер Кубоги ҳар йили ўтказилади, жорий йилги мусобақа саноқ бўйича 57-си бўлади. 2021 йилда «Барселона» ушбу ўйин доирасида «Ювентус»ни мағлуб этганди (3:0).
Изоҳ (0)