Disney студияси Леонардо Ди Каприо ва Кейт Уинслет ижросидаги «Титаник» мелодрамасининг янгиланган версиясини тақдим этишга тайёрланмоқда. Релиз 2023 йилнинг 10 февралига режалаштирилган, деб хабар беради «Film.ru».
Жеймс Кемерон фильми 3D, 4К HDR ва бошқа форматларда тақдим этилади. АҚШдаги прокат ҳуқуқи Paramount’га тегишли.
«Титаник» фильми биринчи марта катта экранларга 1997 йилда чиққан ва бутун дунё бўйлаб 2,2 миллиард доллар тўплаб, касса йиғимлари бўйича феноменга айланган. Шунингдек, лента 11 та «Оскар» мукофотини, жумладан «Энг яхши фильм» учун ҳам қўлга киритган. 3D-форматдаги такрор релизи 2012 йилда бўлиб ўтганди.
Эслатиб ўтамиз, май бошларида «Аватар: Сув йўли-2» фильмининг расмий трейлери намойиш этилганди.
Изоҳ (0)