Турк киносининг таниқли актёр ва актрисалари ҳамда машҳурликда улардан қолишмайдиган фарзандлари (фото)

Машҳур актёрларнинг фарзандлари кўпинча ота-оналари изидан боради. Кимдир ўз карьерасини ота-онаси номи ёрдамида қурса, бошқалари ўз карьерасини яратиш учун муносабатларини яширишади. Ахир, ота-оналарнинг машҳур исмлари муваффақият кафолати эмас.

Ҳуля Даржон, Танжу Корел ва Бергузар Корел

Ҳуля Даржан 1951 йил 27 апрелда туғилган ва 16 ёшида илк фильми «Силаҳлари эллеринде ўлдулар» фильмида суратга тушган. Актёрлик фаолияти давомида у 52 та лойиҳада иштирок этган. У ҳам салбий, ҳам ижобий ролларга эга ва бутун ижодий фаолияти давомида у ўз истеъдоди билан томошабинларни хурсанд қилди. Бугунги кунга қадар ҳам Ҳуля Туркияда энг талабгир актриса ҳисобланади, у хорижда ҳам танилган — унинг иштирокидаги сериаллар бошқа тилларга таржима қилинган.

Унинг қизи Бергузар Корел ҳам худди онасидек машҳур актриса. Унинг фильмографиясида 11 та лойиҳа бор, фильмлар ичида турмуш ўртоғи Ҳалит Эргенч билан танишган «1001 кеча» сериалидаги Шаҳризод энг ёрқин роли. Ҳозирда актриса вақтини оиласига бағишлаган, болалар тарбиясига эътибор қаратмоқда.

Бергузар Корелнинг отаси ҳам таниқли актёр Танжу Корел бўлиб, 51 та фильмда рол ўйнаган. Отаси 2005 йил сентябрь ойида вафот этган.

Садри Алишик ва Керем Алйшик

Садри Алишик 1925 йил 5 апрелда туғилган. Мактаб давридаёқ театр спектаклларида ўйнаган. У 1946 йилда кинода дебют қилган ва ижодий фаолияти давомида 141 та фильмда ўйнаган. Актёр комедияларда, тарихий ва криминал фильмларда иштирок этган. 1980 йилдан бошлаб у телесериалларда ҳам рол ўйнай бошлайди. Садри Алишик 1995 йил 18 мартда вафот этади, ҳозирда хусусий театр ва маданият маркази унинг номи билан аталади.

Унинг ўғли Керем Алишик ҳам актёр. Унинг фильмографиясида 16 та картина мавжуд. Охирги сериали «Бир вақтлар Чукуровада» бўлиб, у Али Раҳмет Фекели ролини ўйнаган.

Керемнинг онаси ҳам актриса Чўлпан Илхон бўлиб, 58 та фильм ва сериалларда рол ўйнаган. У 2004 йилда вафот этган.

Леман Сам ва Шеввал Сам

Леман Сам 1951 йил 22 февралда туғилган бўлиб, актриса, хонанда ва бир қанча қўшиқлар муаллифи ҳисобланади. У халқона қўшиқлар ижрочиси сифатида машҳур ва бир нечта тилларда, шу жумладан юнон, француз ва испан тилларида қўшиқ куйлай оладиган санъаткор сифатида ҳам танилган. Леман кўплаб шаҳар ва мамлакатларда концертлар берган.

Унинг қизи Шеввал Сам ҳам қўшиқчи ва актрисадир. Шеввал 15 та фильмда иштирок этган. Охирги 4 йил давомида у «Тақиқланган мева» сериалида рол ўйнади. Фильмда у Эндер ролида кўриниш берди.

Жиҳан Унал ва Ирмак Унал

Жиҳан Унал 1946 йил 22 январда туғилган. Ижодий фаолиятини 1963 йилда кичик роллар билан бошлаган. 1964 йилда Анқара давлат академиясининг театр бўлимига ўқишга киради ва уни 1969 йилда тугатади. Шундан сўнг Анқара давлат театрида хизмат қила бошлайди. У Лондонда ўқишни давом эттиради ва Қироллик драматик санъат академиясида дарс беради. У кўп вақтини ўқитувчиликка бағишлайди, шунингдек, театрда, кинода ўйнайди. Ижодий фаолияти давомида у 21 та лойиҳада суратга тушган. Ҳозир у «Ёлғиз бўри» сериалида иштирок этмоқда.

Унинг қизи Ирмак Унал ҳам актриса. Унинг фильмографиясида 12 та лойиҳа мавжуд. Охирги роллардан бири «Тўлин ой» сериалидаги Феритнинг опаси Зейнеп роли.

Воҳиде Перчин, Алтан Гердум ва Ализе Гердум

Воҳиде Перчин «Исмини Фериҳа қўйдим» сериалидаги Зеҳра, «Муҳташам юз йил» сериалидаги Хуррам Султон ва «Бир вақтлар Чукуровада» сериалидаги кучли аёл Хьюнкар Яман роллари билан танилган. Унинг эри, ишдаги ҳамкасби Алтан Гердум 2009 йилда Истанбулда актёрлик мактабига асос солган. Эр-хотин 2013 йилда ажрашишади. Бу  никоҳдан уларнинг 1994 йилда туғилган Ализе исмли қизлари бор.

Ализе ҳам онасидек актрисаликни танлади, унинг фильмографиясида 7 та лойиҳа мавжуд, охиргиси «Менинг онам». У биринчи ролини онаси билан «Муҳташам юз йил» сериалида ўйнаган.

У Истанбул университетини тамомлаган, сўнгра Лос-Анжелесдаги Америка актёрлик академиясига ўқишга киради ва кино ва театр актрисаси мутахассислиги бўйича таҳсил олади.

Туркан Шорай ва Яғмур Унал

Туркан Шорай ярим асрдан ортиқ кино фаолияти давомида у икки юзга яқин бош ролларни ижро этган.

У 1945 йил 28 июнда Истанбулда амалдор оиласида туғилган. Унинг отаси миллати бўйича черкес, онаси Салоникидан келган муҳожир. 15 ёшида Туркан «Шамолли севги» фильмида дебют қилади. 1965 йилда Туркан энг талабгир ва машҳур турк актрисалари тўртлигига киради.

Унинг сўнгги иши 2015 йилда экранларга чиққан, бироқ Туркан ҳамон ўз лойиҳаларини тақдим этмоқда, турк ва халқаро кинофестивалларга фахрий меҳмон ва ҳакамлар ҳайъати аъзоси сифатида таклиф қилинади.

Яғмур Унал ҳам ҳаётини кино билан боғлади. Фақатгина қиз актриса эмас, балки кино саноатининг ушбу соҳасида ривожланишни афзал кўрган продюсер бўлди.