Таниқли қўшиқчи ва актриса Леди Гага Warner Bros. ҳамда DC студиялари билан музокаралар олиб бормоқда. У «Жокер» фильмининг «Ўзаро телбалик» номли иккинчи қисмида рол ўйнаши мумкин, деб хабар беради «Film.ru».
Манбаларнинг тасдиқлашича, иккинчи фильмнинг жанри мюзикл бўлиши мумкин. Аввалроқ сиквел суратга олинишини режиссёр Тодд Филипс эълон қилганди. Жокер ролига Хоакин Феникс қайтиши кутилмоқда.
Гага айнан қайси ролни ижро этиши ҳозирча ошкор этилмаган. Бу Харли Квинн ёки комиксга боғлиқ бўлмаган алоҳида персонаж ҳам бўлиши мумкин.
Филипс сценарийни Скотт Силвер («Жангчи» фильми) билан биргаликда ёзган. Сюжет деталлари ва суратга олиш ишлари қачон бошланиши номаълум. Ўтган йили Леди Гага «Гуччи уйи» криминал драмасида бош ролни ижро этганди. Шунингдек, у 2019 йилда «Юлдуз туғилди» картинаси учун «Оскар»ни қўлга киритган.
Аввалроқ Леди Гага «Гуччи уйи» фильмидаги Патрисия Режани ролини ўйнаш учун 9 ой итальянча талаффуз билан гапиргани ҳақида хабар берилганди.
Изоҳ (0)