Актёр Майкл Жей Фокс 2022 йилнинг ноябрида Жин Хершолт номидаги гуманитар мукофотни — Америка киноакадемияси кинематография санъатига қўшган ҳиссаси учун топширадиган фахрий «Оскар»ни қабул қилиб олади. Бу ҳақда The Hollywood Reporter хабар берди.
Мукофот, шунингдек, режиссёр Питер Уир («Труман томошаси»), қўшиқчи ва шоира Даян Уоррен, режиссёр Эзан Палси («Қуруқ оқ мавсум»)га топширилади.
«Келажакка қайтиб» юлдузи учун бу Америка киноакадемиясининг биринчи мукофоти бўлади.
«Майкл Жей Фокснинг Паркинсон касаллигини татқиқ этиш бўйича тинимсиз ёрдами ва унинг чексиз оптимизми бир киши миллионлаб одамларнинг келажагига қандай таъсир қилиши мумкинлигига мисолдир», — дейди Америка кинематография академияси президенти Дэвид Рубин.
1991 йили 30 ёшда бўлган Майкл Жей Фоксга Паркинсон ташхиси қўйилган. У бу ҳақда оммага 1998 йилда маълум қилган, кейинроқ эса «Паркинсон касаллигини татқиқ этиш бўйича Майкл Жей Фокс фонди» жамоат ташкилотига асос солган.
Эслатиб ўтамиз, 2021 йилда Семюел Л.Жексон кинематографга қўшган улкан ҳиссаси учун фахрий «Оскар»га сазовор бўлганди.
Изоҳ (0)