Киевда дафн маросими. Мариуполни қайта тиклаш ишлари. Урушнинг 120-кунидан фоторепортаж
23 июнь куни Украинага Европа Иттифоқи аъзолигига номзод мақоми берилди. Қўшма Штатлар мамлакатга яна 450 миллион доллар ҳарбий ёрдам кўрсатишни ваъда қилди. Россия мудофаа вазири Сергей Шойгу Россия—Беларусь ҳаво ҳужумидан мудофаа тизимини зудлик билан кучайтиришга муҳтожлигини айтди. Meduza урушнинг 120-кунига оид асосий фотосуратларни тақдим этди.
Киев вилояти
Уруш бошланганидан бери биринчи марта Ирпен ва Гостомел болалар футбол жамоалари Гостомелдаги кўп қаватли турар жой биноси олдида учрашув ўтказди. Киев вилояти Россия қўшинлари томонидан босиб олинган ва 2022 йилнинг февраль—март ойларида кучли артиллерия ўқларига учраган. Шаҳарларда кўплаб қурбонлар бўлди. Март ойининг охирида рус қўшинлари минтақани тарк этди.Фото: EPA
Боярка шаҳри аҳолиси Донецк вилоятининг Торецк шаҳри яқинидаги жангларда ҳалок бўлган аскар Александр Адамовични дафн этмоқда. Сўнгги ҳафтада Торецк Россия нишонидаги шаҳарлардан бирига айланди.Фото: EPA
Мариупол
Россия Мудофаа вазирлигининг ҳарбий қурилиш комплекси Мира проспекти ва Куприна кўчаси кесишмасидаги қурилиш майдончасида ишламоқда. Бу ерда 12 та беш қаватли турар жой биноси қуриш режалаштирилган.Фото: «ТАСС»
Новоселовка қишлоғида яшовчи эркак март ойида Россия ўқлари остида қолган уйининг вайроналарини тозаламоқда. Ҳозир унинг онаси иссиқхонада яшайди.Фото: EPA
Новоселовка аҳолисига инсонпарварлик ёрдами етказилмоқда. Россия армияси июнь ойи бошида қишлоқ ва қўшни аҳоли пунктларини ўққа тутди, деб хабар берган Украина Қуролли кучлари Бош штаби.Фото: EPA
Новоселовка йўлидаги танкка қарши тўсиқлар.Фото: EPA
Харьков
Махсус бригада Салтовка ҳудудидаги турар жой биноси томидан портламай қолган 500 килограммли бомбани зарарсизлантириб олиб ташламоқда. Март ойида бу уйга бомба тушган. 24 июнь куни Украина Қуролли кучлари Бош штаби Россия шаҳарни ўққа тутишда давом этаётгани, шунингдек, «диверсия ва разведка гуруҳлари ҳаракатларини кучайтирганини» маълум қилди.Фото: Reuters
Одесса
Одесса опера ва балет театри ҳовлисидаги қум билан тўлдирилган қоплар.Фото: EPA
Изоҳ (0)