Санкт-Петербург валюта биржаси (СПВБ) рақамли шаклда олтин муомаласини жорий қилмоқчи. Бу ҳақда «Коммерсантъ» хабар берди.
Келгуси йилдан банкларда сақланаётган олтин қуймалари учун «рақамли сертификатлар» савдоси бошланиши мумкин.
СПВБда олтиннинг рақамли шаклда айланиши 2023 йилда бошланиши мумкин. Маълум бўлишича, олтин қуйма махсус рақамли платформада рўйхатга олинади ва «рақамли сертификатлар»га айланади.
Бу орқали олтинни сақлаш харажатларини кўтариш, унга эгалик ҳуқуқини тасдиқлаш шарт бўлмай қолади, агар инвестор хоҳласа, ўз қўлига қуйма олиши мумкин бўлади.
Россияда олтин савдоси Москва биржасида амалга оширилади, аммо инвесторлар металлни ўлчанган қуйма шаклида фақат ваколатли банклардан бири орқали жуда мураккаб процедура бўйича олиши мумкин.
Олтин учун «рақамли сертификат» ўз эгасига сотиб олинган санада олтин қийматини олиш ҳуқуқини берадиган бўлса, рақамли молиявий актив сифатида таснифланиши мумкин, — деди Alumni Partners Commercial Practice компаниясининг катта ходими Инна Неминушчая.
Otkritiye Investments компаниясининг товар бозорлари бўйича таҳлилчиси Оксана Лукичеванинг таъкидлашича,унинг мавжуд биржа савдосидан ягона фарқи — бу маълум бир олтин қуймасини рақамли платформада рўйхатдан ўтказишдир.
Аслини олганда, бу лойиҳа маълум бир физик металл қуймасини виртуал шаклда сотади, бунда банклар ўртасида олтин ўтказилмайди.
Аввалроқ ЕИ Россия олтинига қарши санкциялар жорий қилиш масаласини кўриб чиқаётгани ҳақида хабар берилганди.
Изоҳ (0)