Европа икки томонлама келишувларда меҳнат ҳуқуқлари ва иқлим ўзгариши шартларини бузган давлатларга нисбатан савдо санкцияларини қўллаш имконини берувчи янги қоидаларни таклиф қилмоқчи. Бу ҳақда Financial Times хабар берди.
Европа Иттифоқининг савдо комиссари Валдис Домбровскис битимларда савдо ва барқарор ривожланиш (TSD) бандларининг бажарилишини яхшилаш орқали "барқарорликни савдо сиёсатининг марказига" айлантирмоқчилигини билдирган.
Бу ҳаракат Жаҳон Савдо Ташкилоти барқарорлик ва савдо бўйича ўзининг биринчи келишувини имзолаганидан бир неча кун ўтиб, тартибга солинмаган халқаро сувларда балиқ овлаш кемалари ва ортиқча балиқ захиралари учун субсидияларни чеклаганидан кейин амалга оширилди.
Домбровскиснинг айтишича, балиқ овлаш келишуви 21 йиллик музокаралардан сўнг "ҳақиқий бурилиш нуқтаси" бўлган.
Европа 2009 йилдан бери барча савдо битимларига TSD’ларни киритган, бироқ улар савдо ҳамкорларини ички сиёсатни ўзгартиришга мажбурлаш учун камдан кам ишлатилган.
Чоршанба куни Европа Комиссияси томонидан расман келишилган янги қоидалар аъзо давлатлар ва уларни маъқуллаши керак бўлган Европарламентда кенг қабул қилиниши мумкин.
Улар янги савдо битимлари TSD’ларни кучайтириш ва мамлакатлар асосий қоидаларни бузган тақдирда санкция қўллаш имкониятини ўз ичига олади.
Бу асосий қоидалар Халқаро меҳнат ташкилоти ва углерод чиқиндиларини камайтириш бўйича Париж келишуви стандартларига жавоб беради.
Изоҳ (0)