Германия Иқтисодиёт вазирлиги мамлакатдаги газ омборларини тўлдириш бўйича чора-тадбирларни амалга ошириш учун тахминан 15 млрд евро ажратишни буюрди. Ушбу мақсадлар учун кредит ажратилади. Бу ҳақда DPA агентлиги Германия Иқтисодиёт вазирлиги ҳисоботига таяниб хабар берди.
Кредит хом ашё сотиб олиш учун ликвидликни таъминлаш мақсадида Германиянинг ягона Trading Hub Europe газ компаниясига ажратилади.
Бундан ташқари, Германия расмийлари кўпроқ газни тежаш мақсадида кўмирда ишлайдиган электр станцияларидан фаолроқ фойдаланмоқчи.
16 июнь куни Bloomberg агентлиги Германияда Россиядан газнинг энг йирик харидори Uniper компаниясига газ етказиб бериш ҳажми камайгани ҳақида хабар берди.
Таъминотнинг 25 фоизга қисқариши «Шимолий оқим»га хом ашё етказиб беришнинг 40 фоизга чекланиши билан боғлиқ.
«Газпром»да насослар ҳажмининг пасайиши газ насос қурилмаларига хизмат кўрсатувчи Siemens компанияси томонидан ўз вақтида таъмирланмаганлиги билан изоҳланмоқда.
24 февралгача Германия Россия газининг Европа Иттифоқига етказиб бераётган умумий ҳажмининг учдан бир қисмини ёки йилига 50 млрд кубометрни ташкил қилган.
Германия расмийларининг режасига кўра, жорий йил охирига қадар Германиянинг Россия газига қарамлиги 30 фоизгача камайиши мумкин.
Аввалроқ Франция Россия газини импорт қилишни тўхтатгани ҳақида хабар берилган эди.
Изоҳ (0)