Ўзбекистонда 2022 йилнинг январь май ойларида аҳолига кўрсатилган бозор хизматлари ҳажми ўтган йилга нисбатан 15,8 фоизга ошди. Бу ҳақда Давлат статистика қўмитаси хабар берди.
Кўрсатилган бозор хизматлари ҳажмининг ўсишидаги асосий омил — молиявий хизматлар, транспорт хизматлари , савдо хизматлари ўсгани ҳисобланади.
Январь май ойларида молиявий хизматлар соҳасида эса Фарғона вилояти 74,4 фоиз билан энг юқори ўсишни қайд этган.
Кейинги ўринларда Бухоро (35,3 фоиз), Тошкент шаҳри (32,3 фоиз) ва Самарқанд (31,8 фоиз) ҳудудларида молиявий хизматлар соҳасида ўсиш кузатилган. Энг паст ўсиш Андижон (10,2 фоиз) вилоятига тегишли.
Ушбу давр мобайнида транспорт хизматлари Қорақалпоғистонда энг юқори даражада — 33,5 фоизга ўсиб, қарийб 1,1 млрд сўмга етган.
Кейинги ўринларда Наманган (14,3 фоиз), Навоий (13,4 фоиз), Қашқадарё ва Сурхондарё (12,4 фоиз), шунингдек, Хоразм (11,3 фоиз) вилоятларида ушбу соҳа бўйича ўсиш кузатилган.
Энг паст кўрсаткич Бухоро вилоятида қайд этилган бўлиб, ушбу ҳудудда транспорт хизматлари 6,1 фоизга ўсган.
Ўтган 5 ой мобайнида савдо хизматлари соҳасида энг катта ўсиш Наманган вилоятига тегишли бўлиб, унда ушбу хизматлар 19,7 фоизга ўсган, қиймати эса 1,9 млрд сўмга етган.
Бундан ташқари Тошкент (12,3 фоиз), Навоий ва Андижон (10 фоиз) ҳамда Сурхондарё (9,5 фоиз) вилоятларида ўсиш кузатилган. Энг паст ўсиш Фарғона (0,6 фоиз) вилоятида қайд этилган.
Изоҳ (0)